web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet magjia e Champions-it/ Arsenal-Bayern garanton spektakël, Real-City “ndez” mbrëmjen

9 Prill 2024, 10:51, Sport CNA

Rikthehet magjia e Champions-it/ Arsenal-Bayern garanton spektakël,

Mbrëmjen e kësaj të marte rikthehet magjia e Ligës së Kampioneve, me dy sfida interesante dhe spektakolare, për fazën çerekfinale.

Arsenali pret në shtëpi gjermanët e Bayern Munich, skuadër me të cilën kanë kujtime të hidhura.

Në total “Topçinjtë” dhe kampionët e Gjermanisë janë përplasur në Ligën e Kampionëve 12 herë, aty ku bavarezët numërojmë 7 fitore, 3 suksese për Arsenalin dhe dy takime të ndarë në paqe. Pritet të jetë një përballje e bukur dhe e luftuar, nga të dyja ekipet që njihen për lojën e hapur.

Finale e parakohshme do të jetë edhe sfida mes Real Madrid dhe Manchester City, në “Santiago Bernabeu”. Dy ekipet janë përballur shpesh mes tyre në vitet e fundit. Në 2020, anglezët ia dolën të eliminojnë madrilenët, duke i mposhtur në të dyja ndeshjet.

Megjithatë, hakmarrja e spanjollëve, do të vinte dy vite më vonë. City fitoi ndeshjen e parë në Angli me rezultatin 4-3, ndërsa në të kthimit, Reali triumnfoi 2-1 në kohën e rregullt dhe në shtesa, shënuan edhe golin e kualifikimit për në finale.

Vitin e kaluar rrugët e Realit dhe City-t u kryqëzuan sërish. Ndeshja e parë ishte në “Santiago Bernabéu”, (1-1) në një ndeshje të vendosur nga golat e Vinicius dhe De Bruyne. Ndeshja e kthimit në Angli nuk kishte histori. Një 4-0 e pakontestueshme për “Qytetarët” dhe me Ançelotin në bankën e të akuzuarve për ndryshimet taktike të pakuptimta. City i shkoi deri në fund duke mundur Interin në finalen e Stambollit.

Edhe kjo e sotmja, pritet me interes të madh dhe është tejet e vështirë, për të gjetur një favorit. Dy takimet, do të luhen në orën 21:00.





Lajmet e fundit nga