E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qirko bën heroin, pret penalltinë dhe shmang humbjen e Partizanit në derbi

1 Dhjetor 2024, 21:02, Sport CNA

Qirko bën heroin, pret penalltinë dhe shmang humbjen e Partizanit

Nuk prodhoi fitues derbi i kryeqytetit, mes Tiranës dhe Partizanit, sfidë e cila u mbyll në barazim pa gola.

Heroi të i të kuqve në këtë përballje, ishte padyshim portieri Pano Qirko, i cili priti një penallti në minutën e 98-të, pas gjuajtjes së Prengës.

Ndeshja nisi me Partizanin më kërkues, me Carën që dha rrezikun e parë në minutën e 6-të, por sulmuesi u ndal në momentin e fundit.

Ishte i njëjti lojtar, që në minutën e 10-të, shpërdoroi një tjetër rast të mirë, pas kombinimit me Mba, duke gjuajtur mbi traun e portës.

Arinaldo Rrapaj shpërdoroi një tjetër mundësi shënimi në minutën e 20-të, me tentativën e mesfushorit që shkoi jashtë.

Tirana gjeti avantazhin në minutën e 29-të. Sembene shkaktoi autogol, duke bërë që të shpërthejë festa te Partizani. Megjithatë protagonist në këtë rast u bë VAR-i, që e anuloi për pozicion jashtë loje.

Portieri Selmani ishte vendimtar në minutën e 33-të, me një pritje të bukur ndaj Carës, duke i mohuar golin.

Në fundin e pjesës së parë, Mba kishte mundësinë për të kaluar në avantazh “demat”, por gaboi në gjuajtje, e cila kaloi pasqyrën e portës dhe shkoi jashtë.

Fraksioni i dytë i lojës, nisi vrullshëm nga Partizani, që ishte i pafat në minutën e 47-të. Bincuka shpërtheu bukur në zonë, por pa gjuajtjen e tij të ndalej nga shtylla.

Selmani e ktheu në personale me Carën, duke i pritur një tjetër gjuajtje në minutën e 53-të. Dy lojtarët u bënë sërish protagonistë në minutën e 78-të, por edhe këtë herë, fitimtar doli portieri i Tiranës.

Momenti vendimtar i ndeshjes ishte në minutën e 93-të, kur një tentativë e Prengajt u ndal nga Bytyçi me dorë në zonë.

Pas rishikimit në VAR, arbitri vendosi të akordojë penallti, aty ku heroin e bëri Qirko, i cili ndali gjuajtjen e Prengajt.

Me këtë barazim, skuadra e Partizanit mbetet në krye me 28 pikë, ndërsa Tirana mbetet në vendin e shtatë me 16 pikë.