web counter
LEXO PA REKLAMA!

SHKARKO APP

App Store
Google Play

Po shkëlqen në Itali, vendoset e ardhmja e sulmuesit të talentuar

8 Tetor 2025, 14:45, Sport CNA

Po shkëlqen në Itali, vendoset e ardhmja e sulmuesit të talentuar

Real Madrid dhe Como duket se kanë mbyllur një marrëveshje për verën e ardhshme. Sipas mediave italiane, talenti argjentinas Nico Paz, aktualisht pjesë e klubit italian, pritet të rikthehet në Madrid në fund të sezonit, pasi kampionët spanjollë janë gati të aktivizojnë klauzolën e riblerjes prej 9 milionë eurosh.

Lojtari 20-vjeçar, i transferuar verën e kaluar për 6 milionë euro, ka treguar formë të shkëlqyer nën drejtimin e Cesc Fabregas, duke u bërë një nga pikat kryesore të projektit sportiv të Comos. Klauzola e vendosur në marrëveshjen me Real Madrid i lejon klubit spanjoll të riblejë lojtarin për një shumë të ulët në krahasim me vlerën që ai ka sot në treg.

Megjithatë, historia nuk mbaron këtu. Në ditët e fundit të merkatos së verës, Tottenham paraqiti një ofertë prej 70 milionë eurosh për të siguruar shërbimet e Paz, një shumë që do të sillte një përfitim të madh për klubin italian. Por për shkak të marrëveshjeve kontraktuale, Komo do të përfitonte vetëm gjysmën e shumës, pasi Real Madrid zotëron 50% të të drejtave ekonomike të kartonit. Për më tepër, klubi spanjoll ka të drejtën e barazimit të çdo oferte, gjë që e bënte praktikisht të pamundur realizimin e transferimit drejt Londrës.

Në këtë situatë, drejtuesit e të dy klubeve vendosën të refuzojnë ofertën e Tottenhamit, duke lënë lojtarin në Komo për të paktën edhe një sezon. Ekziston një marrëveshje xhentëlmene që Real Madrid do të kompensojë Comon për punën e zhvillimit dhe rritjes së lojtarit, me një shumë më të lartë se 9 milionët e klauzolës.

Në fund të sezonit, pritet që të dy klubet të ulen në bisedime për të përcaktuar një çmim më real për kartonin e Paz, që mund të arrijë në 30 apo edhe 40 milionë euro.





Lajmet e fundit nga