web counter
LEXO PA REKLAMA!

SHKARKO APP

App Store
Google Play

Interi mahnit në sulm, nuk ndodhte prej 28 vitesh

7 Tetor 2025, 15:56, Sport CNA

Interi mahnit në sulm, nuk ndodhte prej 28 vitesh

Interi po përjeton një fillim sezoni që sjell në mendjen e tifozëve kohët e artë të klubit. Pas tetë ndeshjeve të para të këtij edicioni, zikaltrit kanë shënuar 22 gola, ku 17 kanë ardhur në Serinë A dhe 5 në Champions League. Këto shifra nuk ishin arritur nga sezoni 1997/1998. Atëherë, skuadra e drejtuar nga Gigi Simoni dhe udhëhequr nga Ronaldo “Fenomeni” e mbylli kampionatin në vendin e dytë dhe fitoi Kupën UEFA kundër Lazios.

28 vite më vonë, panorama është krejtësisht ndryshe. Drejtuesit, lojtarët dhe trajneri kanë ndryshuar, por shifrat mbeten të ngjashme. Cristian Chivu, në sezonin e tij të parë në stolin e Interit, po ndërton një skuadër që po shënon me lehtësi dhe po tregon efikasitet të lartë në repartin ofensiv.

Kombinimi mes Lautaro Martinez dhe Marcus Thuram ka rezultuar produktiv, me nga tre gola secili, ndërsa Boni dhe i riu Pio Esposito kanë shtuar kontributin me gola të rëndësishëm.

Ndryshe nga edicioni i kaluar, kur alternativa si Taremi, Arnautoviç apo Korrea nuk kishin sjellë rezultatet e pritura, këtë sezon Chivu ka në dispozicion një grup më të balancuar dhe me opsione të shumta në sulm.

Statistikat tregojnë se Interi ka një nga sulmet më të forta në Itali dhe në Evropë, por jo të njëjtin nivel sigurie në mbrojtje. Në Serinë A, zikaltrit kanë pësuar tetë gola, një bilanc që i vendos mes gjashtë ekipeve me mbrojtjen më të dobët ndër skuadrat e para në renditje.

Interesant është fakti se edhe skuadra e Simonit në 1997 kishte shifra të ngjashme në prapavijë, me shtatë gola të pësuar në të njëjtën fazë të kampionatit.

Historia duket se përsëritet, një Inter spektakolar në sulm, por që ende kërkon ekuilibrin e duhur në mbrojtje.





Lajmet e fundit nga