web counter
LEXO PA REKLAMA!

SHKARKO APP

Partizani zbulon trajnerin që do drejtojë ekipin

7 Tetor 2025, 20:16, Sport CNA

Partizani zbulon trajnerin që do drejtojë ekipin

Partizani është rikthyer në stërvitje pas tre ditëve pushim që pasuan humbjen në derbin e kryeqytetit. Seanca e parë pas pauzës ka sjellë ndryshime të rëndësishme në klubin e kuq.

Trajneri Mlladen Milinkoviç është shkarkuar nga detyra, ndërsa drejtori sportiv Arbër Abilaliaj ka dhënë dorëheqjen.

Përkohësisht, drejtimin e skuadrës e ka marrë trajneri i Partizanit B, Oltion Kërnaja. Ai ka udhëhequr stërvitjen e sotme dhe do të vazhdojë në këtë rol derisa të merret një vendim përfundimtar nga drejtuesit. Klubi pritet të riorganizojë stafin teknik në ditët në vijim.

Për momentin, Kërnaja do të përgatisë skuadrën për ndeshjet e ardhshme në kampionat. Atmosfera në grup mbetet e qetë, ndërsa lojtaret janë përqendruar te rikthimi në rezultate pozitive.

“Ekipi ka rinisur përgatitjet stërvitore në stadiumin “Arena e Demave”. Nga sot, drejtimin e ekipit e ka marrë trajneri Oltijon Kërnaja. Grupi nuk është i plotë, pasi prezent nuk janë lojtarët e impenjuar me ekipet tona përfaqësuese. Sfida e radhës për të kuqtë do të jetë transferta e Vlorës ndaj Flamurtarit!”, thuhet në njoftim.





Lajmet e fundit nga