web counter
LEXO PA REKLAMA!

SHKARKO APP

App Store
Google Play

“Plas” në Kosovë, kërcënohet dhe sulmohet fizikisht trajneri Ilir Daja

9 Tetor 2023, 13:58, Sport CNA

“Plas” në Kosovë, kërcënohet dhe sulmohet

Klubi i Ballkanit ka dalë me reagim pas ankesave për sharje e ofendime të trajnerit Ilir Daja në ndeshjen ndaj Prishtinës.

Në reagimin e Ballkanit thuhet se vëllai i një zyrtari të skuadrës kryeqytetase e ka sulmuar fizikisht trajnerin Daja.

REAGIMI:

“Klubi i Ballkanit i ka marrë me shqetësim skenat që ndodhën mbrëmë në stadiumin “Fadil Vokrri” në kryeqytet, në ndeshjen ndaj Prishtinës.

Trajneri ynë, Ilir Daja, ka qenë cak i sulmeve të vazhdueshme verbale, por edhe fizike nga persona që në stadium nuk ishin për futboll, por me qëllime të tjera jo sportive.

Në përfundimin e pjesës së parë, vëllau i një zyrtari të klubit vendas, ka hedhur shishe në drejtim të trajnerit Daja. Duke mos u ndalur me kaq, e fatkeqësisht para syve të sigurimit, ai dhe disa të tjerë në vazhdimësi kanë qëndruar mbi bankinën ku ishte skuadra jonë, duke ofenduar e kërcënuar trajnerin dhe stafin tonë teknik.

Ballkani është i indinjuar nga kjo ngjarje, prandaj kërkon nga organet kompetente si brenda ashtu edhe jashtë Federatës, që ta trajtojnë me seriozitet këtë situatë sepse futbollin të cilin po mundohemi ta dërgojmë sa më shumë përpara, gjërat e tilla e kthejnë prapa.

Puna e madhe e Ballkanit, përfshirë trajnerin Daja dhe futbollistët tanë, i ka sjellë dobi krejt ekipeve të Superligës, në këtë rast edhe vetë Prishtinës, prandaj është e pakuptueshme që të lejohen lëshime të tilla.”





Lajmet e fundit nga