web counter
LEXO PA REKLAMA!

SHKARKO APP

App Store
Google Play

99 goditje me kamxhik, dënim i pazakontë për Ronaldon

8 Tetor 2023, 17:30, Sport CNA

Cristiano Ronaldo rrezikon të ndëshkohet me goditjen e 99 kamxhikëve nëse kthehet në Iran. Lajmi bëhet i ditur nga media kroate “index.hr”, që i referohet raportimeve nga Irani.

Klubi saudit Al Naser luajti  së fundmi në Teheran, një ndeshje të Ligës së Kampionëve të Azisë , me skuadrën vendase, Persepolis. Ronaldo tregoi edhe një herë se ka një zemër të madhe, sidomos kur bëhet fjalë për adhuruesit  e tij.

Portugezi ia plotësoi dëshirën jetësore piktores iraniane Fatima, e cila kishte krijuar disa piktura për yllin portugez.

Fatima është me aftësi të kufizuara dhe një adhuruese e madhe e Cristianos. Videoja dhe fotot që klubi saudit ka publikuar në rrjetet sociale tregojnë se sa shumë do të thoshte ky takim për Fatiman.

Mirëpo sot mediat iraniane kanë bërë të ditur se Ronaldo është dënuar me 99 goditje me kamxhik për këtë takim, apo çfarë ka bërë gjatë takimit me piktore.

Gjatë takimit me tifozen speciale, Ronaldo e ka përqafuar dhe puthur piktoren iraniane dhe kështu ka shkelur ligjet strikte që sundojnë në vendin islamik.

Në mungesë të tij në gjykim,  raportohet se u vendos që portugezi të dënohet me 99 goditje me kamxhik, sigurisht nëse kthehet ndonjëherë në Iran.





Lajmet e fundit nga