web counter
LEXO PA REKLAMA!

SHKARKO APP

App Store
Google Play

Përballja me Egnatian/ Gvozdenoviç: Nuk mund të them para ndeshjes si do reagojmë

27 Tetor 2023, 19:50, Sport CNA
Përballja me Egnatian/ Gvozdenoviç: Nuk mund të them para
Trajneri i Skënderbeut, Ivan Gvozdenoviç

Trajneri i Skënderbeut, Ivan Gvozdenoviç në konferencën për mediat para ndeshjes me Egnatian, ka komentuar ecurinë e ekipit korçar. Ai është shprehur se Laçi ka merituar fitoren, ndërsa për Vllazninë ka tjetër mendim.

"Ta shohim. Nuk mund të them para ndeshjes si do reagojmë sepse jo vetëm unë por askush nuk e di rezultatin para ndeshjes.  Pas humbjeve me Laçin dhe Vllazninë tani është momenti për reagim por prapë do të flasim nesër pas ndeshjes se si jemi. E drejtë , mund të bëjmë edhe reagimin e lojës. Për Laçin mund të them se e meritonin kurse për Vllazninë kam tjetër mendim”, tha trajneri.

Lidhur me ndeshjen e rradhës me ekipin e Egnatias, Gvozdenoviç ka treguar se Skënderbeu ka tre mungesa ndërsa flet edhe për opsionet e formacionit.

"Ishim me karton të kuq, shumë të shtrirë , autogoli ishim pafat sepse erdhi në momentin kur ishim 0-0, Doneve shënoi i pari, sepse ishte momenti me Deanin kur kërkoi penallti , ishte një moment me Rashica dhe të gjithë ju e dini si dalin ndeshjet.  E thashë nga java e parë kur humbim , humbim të gjithë, kur fitojmë fitojmë të gjithë. Edhe unë si trajner fola me lojtarët,  bëmë videoanaliza, punojmë në stërvitje që mos bëjmë të njëjtat gabime dhe do shoh nesër si do reagojmë. Tani kemi 3- 4 opsione dhe Peçani nuk është ende gati, kemi tre mungesa, Deani ka katër kartona , Prençi është me karton të kuq, Peçani nuk ka bërë stërvitje me ekipin, ka punuar vetë. Kemi disa opsione ,  mund të bëjmë ndërrime kokë më kokë, kemi opsion të ndrrojmë sistemin , kemi opsion edhe ndrrimin e vendit në fushë, do e shohim sot dhe bashkë me stafin do vendosim", ka përfunduar trajneri.

Pas humbjes me Vllazninë, Skënderbeu do të presë sërish në fushën e tij Egnatian, në orën 17:00. Korçarët fituan me rezultatin 0-1 përballë Egnatias në Rrogozhinë, ndërsa kërkojnë sërish fitore edhe në Korçë./ CNA





Lajmet e fundit nga