web counter
LEXO PA REKLAMA!

SHKARKO APP

App Store
Google Play

E fundit!

x

Partizani rikthehet te fitorja, vendos Contreras ndaj Bylis

3 Dhjetor 2025, 18:30, Sport CNA

Partizani rikthehet te fitorja, vendos Contreras ndaj Bylis

Partizani triumfoi minimalisht ndaj Bylisit në javën e 14-të të Superiores, në “Arenën e Demave”. Skuadra e drejtuar nga Oltijon Kërnaja vinte nga dy barazime radhazi dhe kërkonte të rikthehej te tre pikët, ndërsa Bylisi synonte të përfitonte nga momentet e pasigurisë së të kuqve.

Pjesa e parë u zhvillua me ritëm mesatar, me pak raste të pastra për shënim. Partizani tentoi disa herë nga krahët përmes harkimeve të Markut, ndërsa Bylisi provoi me goditje nga distanca me Adeduron dhe Përgjonin.

Pjesa e dytë nisi me ndryshime të shumta në formacionet e të dy ekipeve. Partizani kërkoi të rrisë intensitetin ofensiv dhe gjeti disa mundësi të mira, përfshirë një aksion ku Kontreras doli përballë portierit Vashu, por gjuajtja e tij përfundoi mbi traversë.

Goli i vetëm i ndeshjes u shënua në minutën e 72-të. Një harkim i Markut nga e djathta u devijua fillimisht nga Hjumen, me topin që u ndal në traversë.

Në vijim, Kontreras reagoi i pari dhe gjuajti saktë, duke i dhënë avantazhin skuadrës së tij. Pas golit, Bylisi tentoi të rritej në sulm me hyrjen e Abdullahi dhe Uallison, por mbrojtja e Partizanit menaxhoi mirë veprimet e fundit të lojës.

Bylis pati edhe një mundësi të mirë me Malomon në fund, por gjuajtja e tij ishte e pasaktë. Ndeshja u mbyll pas katër minutave shtesë me rezultatin 1-0 për kryeqytetasit.

Me këtë fitore, Partizani ngjitet në kuotën e 17 pikëve dhe pozicionohet në vendin e gjashtë të renditjes. Bylisi mbetet në vendin e tetë me 13 pikë, duke humbur një mundësi për të marrë rezultat pozitiv në transfertë.





Lajmet e fundit nga