web counter
LEXO PA REKLAMA!

SHKARKO APP

App Store
Google Play

E fundit!

x

Kriza te Liverpool/ Salah shpërthen, Slot drejt shkarkimit. Zbulohet pasuesi i mundshëm

7 Dhjetor 2025, 14:49, Sport CNA

Kriza te Liverpool/ Salah shpërthen, Slot drejt shkarkimit. Zbulohet

Liverpool po kalon një periudhë të rëndë krize, me rezultate negative në Premier League dhe Champions League, pavarësisht investimeve të mëdha në merkato. Skuadra ndodhet në vendin e tetë në kampionat dhe ka pësuar gjashtë humbje në 15 javët e para.

Situata është tensionuar edhe më shumë pas deklaratave të Mohamed Salah, i cili tha se nuk ka më marrëdhënie me trajnerin Arne Slot dhe se ndihet i “lënë pas dore” nga klubi. Sulmuesi egjiptian ka mbetur tre ndeshje radhazi në stol dhe ka shprehur hapur zhgënjimin e tij.

“Jam shumë i zhgënjyer. Kam bërë kaq shumë për këtë klub… Tani jam në stol dhe nuk e di pse. Ndihem sikur klubi më ka hedhur poshtë. Mendoj se është shumë e qartë se dikush dëshiron të më hedhë të gjithë fajin mua. Nuk kemi më asnjë marrëdhënie me trajnerin. Kam marrë shumë premtime gjatë verës dhe deri më tani kam qenë në stol për tre ndeshje. Nuk e di pse, por ndiej sikur dikush nuk më do në klub”, u shpreh Salah.

Ai ka lënë të kuptohet se takimi kundër Brighton mund të jetë i fundit para se të shkojë në Kupën e Afrikës.

“Ejani në ndeshjen kundër Brighton. Nuk e di nëse do të luaj apo jo, por do ta shijoj. Do të jem në “Anfield” për t’u thënë lamtumirë tifozëve dhe për të shkuar në Kupën e Kombeve të Afrikës. Nuk e di çfarë do të ndodhë kur të shkoj atje”, deklaroi Salah.

Ndërkohë, pozita e Arne Slot është shumë e rrezikuar dhe drejtuesit e klubit po vlerësojnë shkarkimin e tij. Kandidati kryesor për ta zëvendësuar përkohësisht është Steven Gerrard, ndërsa Julian Nagelsmann mbetet një alternativë për pas Botërorit të verës së ardhshme.





Lajmet e fundit nga