web counter
LEXO PA REKLAMA!

SHKARKO APP

App Store
Google Play

Juventusi njeh vetëm barazime, Motta: Bëmë paraqitje të madhe

15 Janar 2025, 16:49, Sport CNA

Juventusi njeh vetëm barazime, Motta: Bëmë paraqitje të

Juventusi regjistroi barazimin e 13-të për këtë sezon në Serinë A, pasi ndau pikët me Atalantën në transfertë.

Pas ndeshjes, trajneri i bardhezinjve, Thiago Motta, deklaroi se nuk është i kënaqur me rezultatin 1-1, sepse sipas tij skuadra luan gjithmonë për fitore.

Megjithatë ai kompletoi skuadrën e tij, për paraqitjen e treguar në një fushë të vështirë si ajo në Bergamo.

Motta tha se Atalanta është një ekip shumë i fortë dhe nuk habitet se do luftojnë për titullin kampion deri në fund të sezonit.

“Për rezultatin nuk jam aspak i lumtur, sepse në fushë futemi vetëm për fitore. Megjithatë e vlerësoj paraqitjen që bëmë. Unë i falënderoj lojtarët, kanë zhvilluar një ndeshje të madhe. Nuk kemi bërë vetëm këtë ndeshje paraqitje të mëdha, por gjithmonë.

Këta djem në çdo ndeshje japin maksimumin. Ne kemi bërë atë që ishte e nevojshme në një ndeshje të tillë, pasi goli i Kalulut nuk ndodhi rastësisht. Sigurisht që nuk jemi aspak të lumtur për barazimin, pasi ne duam gjithmonë që të fitojmë. Megjithatë, e shoh si një detyrim që të vlerësoj ndeshjen që kanë bërë lojtarët e mi.

Atalanta ka një trajner të madh dhe lojtarë të fortë. Ata kuptohen shumë mirë me njëri-tjetrin. Janë një skuadër që do të luftojnë për titullin deri në fund. Nuk habitem për këtë, sepse jemi përballur disa herë me ta dhe janë të fortë. Mbrohen mirë dhe sulmojnë me forca të shumta. Janë skuadër e kompletuar”, u shpreh Motta.

Në fundjavë Juventusi do të ketë një tjetër përballje delikate, këtë herë ndaj Milanit, skuadër e cila e mposhti në gjysmëfinalen e Superkupës së Italisë.  





Lajmet e fundit nga