web counter
LEXO PA REKLAMA!

SHKARKO APP

App Store
Google Play

E fundit!

x

Java e 11-të/ "Festojnë" Partizani dhe Vllaznia, si ndryshon renditja

31 Tetor 2024, 19:44, Sport CNA

Java e 11-të/ "Festojnë" Partizani dhe Vllaznia, si ndryshon

Java e 11-të në Superiore u mbyll me dy barazime, por mund të thuhet se nga kjo xhiro, përfituan Partizani dhe Vllaznia.

Të kuqtë e kryeqytetit mposhtën Skënderbeun në transfertë me rezultatin 0-2 dhe kryesojnë të vetëm me 20 pikë. Sukses tejet i rëndësishëm për “demat”, që në pesë javët e fundit numërojnë tre fitore dhe dy barazime.

Triumf mori edhe Vllaznia që mposhti Tiranën me rezultatin 4-3. Kjo fitore, i ka ngjitur shkodranët në vendin e dytë në renditje me 18 pikë.

Kuqeblutë kanë përfituar nga hapat fals të rivalëve, për tu ngjitur në klasifikimin e kampionatit.

Vendi i tretë mbahet nga Dinamo me 17 pikë. Kryeqytetasit barazuan 1-1 ndaj Bylisit, në një sfidë që rrezikuan ta humbisnin.

Java e 11-të/ "Festojnë" Partizani dhe Vllaznia, si ndryshon

Vetëm vendi i katërt për Elbasanin që ndodhet në kuotën e 16 pikëve. Verdheblutë numërojnë katër barazime radhazi dhe vazhdojnë të zbresin në tabelë.

Në të njëjtën kuotë pikësh ndodhet edhe Egnatia, e cila ka zbritur në vendin e pestë. Kampionët në fuqi, u mposhtën në transfertë nga Laçi me rezultatin 2-0.

Në vendin e gjashtë ndodhet Teuta me 15 pikë. Durrsakët nuk njohin fitore prej tre ndeshjesh radhazi, ku kanë marrë dy barazime dhe një humbje.

Vuan Tirana që mban vendin e shtatë me 11 pikë, po aq sa edhe Skënderbeu i vendit të tetë. Dy ekipe që kanë bërë histori në Shqipëri, e shohin veten në pozita aspak komode, për emrin që kanë.

Renditja e Superiores mbyllet nga Laçi me 10 pikë dhe Bylis i fundit me 9 pikë të grumbulluara.  





Lajmet e fundit nga