web counter
LEXO PA REKLAMA!

SHKARKO APP

App Store
Google Play

Sulmuan lojtarët e Vllaznisë me lëndë plasëse, policia merr masa për dy tifozët e Tiranës

31 Tetor 2024, 13:27, Sport CNA
Sulmuan lojtarët e Vllaznisë me lëndë plasëse, policia
Vllaznia, Mala

Klasikja e Shqipërisë Tirana-Vllaznia, që u luajt ditën e mërkurë në Lushnjë, u ndërpre për shkak të episodeve të dhunës të tifozëve bardheblu ndaj lojtarëve kuqeblu.

Tifozët e kryeqytetasve hodhën lëndë plasëse në fushë dhe si pasojë u dëmtuan tre lojtarë të Vllaznisë.

Mes të cilëve, Esat Mala, shkoi menjëherë në spital pasi pësoi djegie në trup.

Këtë të enjte, policia njofton se dy tifozët që sulmuan lojtarët e Vllaznisë janë proceduar penalisht.

Njoftimi i policisë:

Lushnjë/Hodhën lëndë piroteknike në stadiumin “Roza Haxhiu”, gjatë një ndeshje futbolli, procedohen penalisht 2 shtetas.

Specialistët për Hetimin e Krimeve të Komisariatit të Policisë Lushnjë, në përfundim të veprimeve hetimore dhe procedurale, për një rast të hedhjes së lëndëve piroteknike në stadiumin “Roza Haxhiu”, gjatë ndeshjes së futbollit “Tirana-Vllaznia”, të zhvilluar ditën e djeshme, referuan materialet në Prokurori, ku nisi procedimi në gjendje të lirë për shtetasit:

-A. M., 19 vjeç dhe K. Ll., 19 vjeç, të dy banues në Tiranë.

Nga hedhja e lëndës piroteknike u dëmtua lehtë, një futbollist i ekipit të Vllaznisë.Materialet procedurale i kaluan Prokurorisë, për veprime të mëtejshme, për veprat penale “Veprime të dhunshme në aktivitetet sportive” dhe “Prishja e qetësisë publike”./ CNA

Sulmuan lojtarët e Vllaznisë me lëndë plasëse, policia
Njoftimi i Policisë




Lajmet e fundit nga