web counter
LEXO PA REKLAMA!

SHKARKO APP

App Store
Google Play

E fundit!

x

Inzaghi: Ndaj Juventus-it vendoset sezoni, Asllani duhet të më bindë

26 Tetor 2024, 12:48, Sport CNA
Inzaghi: Ndaj Juventus-it vendoset sezoni, Asllani duhet të më
Inzaghi-Asllani

Nga Champions League në Serie A, nga “Berna” në “San Siro”, kështu vazhdon rrugëtimin i Inter-it këtë javë në fushën e blertë.

Në prag të “Derbit të Italisë”, trajneri i “zikaltërve”, Simone Inzaghi u shpreh si fillim se kjo ndeshje ka shumë kuptim për ta dhe se është vendimtare për sezonin e Serie A.

“Të gjithë e dimë rëndësinë e ndeshjes, çfarë do të thotë për klubin tonë, për tifozët tanë, për veten tonë. Është e nënta e kampionatit dhe sigurisht që nuk do të jetë vendimtare dhe e rëndësishme. Dy skuadra të shkëlqyera që kanë praktikisht të njëjtën rrugë do të përballen me njëra-tjetrën"-u shpreh ai.

Teksa sa i përket faktit që Inter-i konsiderohet si favorit për të fituar titullin nga trajneri i Juventus-it, Thiago Motta, kreu i “zikaltërve” u shpreh se për të ky edicion i Serie A ka për të qenë shumë i fortë dhe i balancuar.

"Ju e dini se si ndihem, mendoj se do të ketë shumë ekipe në garë. Shumë kanë investuar shumë dhe kanë mbushur boshllëqet e tyre. Ky do të jetë një kampionat i balancuar"-deklaroi italiani.  

Simone Inzaghi zbuloi se në mungesë të Hakan Calhanoglu, mesfushori i kombëtares shqiptare, Kristjan Asllani, me shumë mundësi do të jetë titullar përballë Juvuentus-i.

"Ne e dimë se çfarë përfaqëson Calhanoglu për ne, ai është një lojtar i klasit botëror. Zëvendësuesi i tij natyral është Asllani, nëse më jep garancitë e duhura do të luajë. Ai është një lojtar që është përmirësuar shumë me kalimin e viteve. Për fat të keq ai ka pasur një problem përpara Romës dhe ne do të duhet të bëjmë vlerësimet e duhura”-tha ndër të tjera trajneri 48-vjeçar.

Inter-Juventus përballen për llogari të javës së nëntë këtë të dielë, me sfidën që nis në orën 18:00./CNA





Lajmet e fundit nga