web counter
LEXO PA REKLAMA!

SHKARKO APP

App Store
Google Play

E fundit!

x

Thiago Motta: Inter favorit për të fituar titullin, nesër në fushë do jenë lojtarët më të mirë

26 Tetor 2024, 12:28, Sport CNA
Thiago Motta: Inter favorit për të fituar titullin, nesër në
Thiago Motta

Pas humbjes së parë të sezonit në Champions League kundër Stuttgart-it, Juventus rinis kampionatin me “Derbin e Italisë”, një nga ndeshjet më të pritura të Serie A.

Duke folur për mediet në prag të kësaj ndeshje, trajneri i “bardhezinjve”, Thiago Motta preferon të qëndrojë me këmbë në tokë dhe të ulë çdo dozë euforie në ekipin e tij, teksa thekson se Inter është një nga favoritët e këtij sezoni për të fituar titullin.

"Ne jemi të fokusuar, të vendosur dhe do të japim 200%. Duhet ta komandojmë këtë takim, pasi luajmë me një kundërshtar shumë të fortë. Inter-i dhe Napoli janë favoritët për të fituar titullin këtë sezon. Ne duhet të jemi të përqendruar dhe të kemi guxim”-tha fillimisht ai.

Teksa i pyetur për formacionin, kreu i stolit të Juventus-it u shpreh se kjo është një ndeshje e madhe dhe se në fushë do ketë lojtarët e tij më të mirë.

"Dy skuadra të mëdha me lojtarë të mëdhenj në fushë përballen me njëra-tjetrën. Ne duhet të kemi një mbrojtje të shkëlqyer dhe sulm të pandalshëm, duke i kushtuar vëmendje edhe zëvendësimeve sigurisht. Në këtë përballje do të luajnë më të mirët”-deklaroi Thiago Motta.

Inter-Juventus përballen këtë të dielë, duke nisur nga ora 18:00, takim i vlefshëm për javën  e nëntë të Serie A./CNA





Lajmet e fundit nga