web counter
LEXO PA REKLAMA!

SHKARKO APP

App Store
Google Play

Interi mposht 0-7 Vllazninë e vajzave/ Trajneri Lekaj: I pakënaqur, nuk ishte rezultat që e prisnim

8 Tetor 2025, 22:01, Sport CNA

Interi mposht 0-7 Vllazninë e vajzave/ Trajneri Lekaj: I pakënaqur,

Vllaznia e vajzave ka pësuar humbje me rezultat të thellë 0-7 përballë Interit në Europa Women's Cup në ndeshjen e luajtur në qendrën e të rinjve në Milano, një humbje që praktikisht i jep lamtumirën ekipit shkodran në këtë kompeticion të rëndësishëm.

Tre gola në pjesën e parë për ekipin vendas dhe 4 gola në 45 minutat e dyta bënë që Vllaznia të pësojë humbjen më të thellë në përfaqësimin e saj në Kupat Europiane.

“Jam i zhgënjyer, i mërzitur sepse nuk ishte rezultat që e presnim. Kishim përgatitur ndryshe lojën, vajzat nuk treguan asgjë në fushën e lojës. I gjithë ekipi ishte jashtë loje, mund të them se ishte një ditë e zezë për ekipin tonë. Mendonim mbase një humbje sepse ka disnivel mes ekipeve, por jo në këtë rezultat. Vajzat si duket i mundi emri i Interit”,-tha trajneri i Vllaznisë për Vajza, Nikolin Lekaj.   

Pavarësisht eksperiencës së gjatë që Vllaznia e vajzave ka në Europë, tekniku Lekaj u shpreh se skuadra ka pësuar ndryshime të mëdha vitet e fundit, gjë që ndikoi në këtë humbje me 8 gola të pësuar.

“Nga Vllaznia, që ka shkuar në kupat e Europës, janë vetem 2 apo 3 vajza. Janë rreth 14 vajza që kanë ardhur këtë vit dhe normalisht që ato duan kohen e vet të harmonizohën me grupin e të luajnë sic duhet. Duhe3t të punojmë shumë që të paktën vazhdimësinë ta kemi më mirë”,-tha Lekaj.

Në ndeshjen e kthimit, që do të jetë pas një jave në Shkodër, Vllaznia do të luajë ndaj Interit me shpresën për të bërë një paraqitje dinjitoze pas kësaj disfate të papritur në Itali./CNA





Lajmet e fundit nga