web counter
LEXO PA REKLAMA!

SHKARKO APP

App Store
Google Play

Humbi ndjenjat në fushë, Fiorentina zbulon gjendjen e Bove

2 Dhjetor 2024, 09:49, Sport CNA
Humbi ndjenjat në fushë, Fiorentina zbulon gjendjen e Bove
Edoardo Bove

Mesfushori i Fiorentina-s, Edoardo Bove, i tmerroi të gjithë të pranishmit në “Artemio Franchi” në ndeshjen ndaj Inter-it mbrëmjen e së dielës, pasi humbi ndjenjat në fushën e lojës.

Së fundmi, nga spitali Careggi, atje ku u dërgua me urgjencë, kanë dhënë informacione mbi gjendjen e 22-vjeçarit.

Sipas medieve italiane, mesfushori është zgjuar dhe është i kthjellët në përgjigjet që jep.

Ndërkohë që nga mëngjesi i kësaj të hëne trajneri i tij, Raffaele Palladino ka qenë sërish në spital, së bashku me drejtorin sportiv Simone Ottaviani.

Në një reagim në faqen zyrtare Fiorentina njofton se futbollisti është nën kujdesin mjekësor dhe në vazhdim do të rivlerësohet gjendja e tij.

“ACF Fiorentina dhe Spitali Universitar Careggi njoftojnë se futbollisti Edoardo Bove, i cili u trajtua në fushë pas humbjes së vetëdijes gjatë ndeshjes Fiorentina-Inter, aktualisht ndodhet i shtruar në terapi intensive. Futbollisti i Violës mbërriti në urgjencë në kushte të qëndrueshme hemodinamike dhe kardiologjike dhe testet neurologjike të kryera kanë përjashtuar dëmtimin akut të sistemit nervor qendror dhe të sistemit kardio-frymëmarrës. Gjendja e Edoardo Bove do të rivlerësohet në 24 orët e ardhshme”-shkruhet në reagimin e Fiorentina-s.

Mesfushori i Fiorentina-s humbi njenjat në minutën e 17-të të ndeshjes me Inter-in, me 22-vjeçarin që u nis me urgjencë në spital./CNA





Lajmet e fundit nga