web counter
LEXO PA REKLAMA!

SHKARKO APP

App Store
Google Play

E fundit!

x

Formula 1, Verstappen fiton “pole position” në Azerbajxhan

20 Shtator 2025, 17:06, Sport CNA

Formula 1, Verstappen fiton “pole position” në Azerbajxhan

Max Verstappen do të nisë nga “pole position” në Çmimin e Madh të Azerbajxhanit, pas një sesioni kualifikues të pazakontë me gjashtë ndërprerje me flamuj të kuq.

Carlos Sainz me Williams e mbylli i dyti, ndërsa vendi i tretë i takoi Liam Lawson nga Racing Bulls. Oscar Piastri dhe Lando Norris nuk arritën të përfitojnë, me australianin që u përplas në fazën e fundit të kualifikimeve dhe britaniku që nuk zhvilloi një xhiro të mirë, duke u renditur përkatësisht në vendin e shtatë dhe të nëntë.

Charles Leclerc u përplas në fillim të pjesës finale, duke ndalur përkohësisht garën. Edhe Piastri shkaktoi një tjetër ndërprerje, ndërsa Verstappen ishte i vetmi që përmirësoi kohën në rifillimin e fundit të sesionit.

Mercedes arriti të poziciononte Kimi Antonelli dhe George Russell në vendin e pestë dhe të gjashtë, edhe pse italiani është nën hetim për një parakalim nën flamujt e verdhë. Lewis Hamilton me Ferrarin nuk arriti të kalonte në fazën e fundit dhe do të nisë nga vendi i 12-të.

Yuki Tsunoda me Red Bull u rendit përpara Norris, duke siguruar një rezultat të mirë për skuadrën. Isack Hadjar e mbylli në vendin e tetë, ndërsa Leclerc dhe Piastri mbetën pas për shkak të aksidenteve të tyre.

RENDITJA:

1. Max Verstappen (Red Bull)

2. Carlos Sainz (Williams)

3. Liam Lawson (Racing Bulls)

4. Kimi Antonelli (Mercedes)

5. George Russell (Mercedes)

6. Yuki Tsunoda (Red Bull)

7. Lando Norris (McLaren)

8. Isack Hadjar (Racing Bulls)

9. Oscar Piastri (McLaren)

10. Charles Leclerc (Ferrari)





Lajmet e fundit nga