web counter
LEXO PA REKLAMA!

SHKARKO APP

App Store
Google Play

Duka mesazh ngushëllimi për aksidentin tragjik: E trishtë kur mësova për shqiptarin, dhimbja na bashkon

28 Janar 2026, 16:47, Sport CNA

Duka mesazh ngushëllimi për aksidentin tragjik: E trishtë kur

Presidenti i Federatës Shqiptare të Futbollit, Armand Duka, ka reaguar pas aksidentit tragjik në Rumani, ku humbën jetën shtatë mbështetës të klubit grek PAOK.

Në postimin e tij, kreu i FSHF-së konfirmoi se në mesin e viktimave është identifikuar edhe shtetasi shqiptar, Vasil Palo.

Viktima po udhëtonte drejt Francës për të ndjekur ndeshjen e futbollit mes skuadrave Lyon dhe PAOK. Presidenti Duka u shpreh se kjo ngjarje përbën një tragjedi të rëndë për të gjithë komunitetin sportiv.

Ai përcolli mesazhe ngushëllimi për familjen Palo dhe të afërmit e viktimave të tjera të këtij aksidenti.

POSTIMI I DUKËS:

Ata po udhëtonin drejt Francës për pasionin, dashurinë ndaj skuadrës së tyre të zemrës dhe futbollit.

Futbolli bashkon, por sot fatkeqësisht na bashkon dhimbja. Kjo është një tragjedi e rëndë dhe që na lë pa fjalë. E bëhet edhe më e trishtë kur mësuam se mes viktimave ishte edhe një tifoz shqiptar, Vasil Palo, të cilin do ta kujtojmë me respekt të veçantë.

Mendimet e lutjet tona sot janë me familjet e viktimave të aksidentit tragjik në Rumani, me familjen e Vasilit, me skuadrën e PAOK-ut dhe futbollin grek. U prehshin në paqe!





Lajmet e fundit nga