web counter
LEXO PA REKLAMA!

SHKARKO APP

App Store
Google Play

E fundit!

x

Dortmund-Barcelona, Flick i bindur: Fitojmë në Gjermani

11 Dhjetor 2024, 10:30, Sport CNA

Dortmund-Barcelona, Flick i bindur: Fitojmë në Gjermani

Borussia Dortmund-Barcelona është padyshim supersfida e mbrëmjes në Ligën e Kampioneve. Dy ekipe që po bëjnë mirë në këtë edicion do të përballen mes tyre dhe synohet me çdo kusht fitorja.

Në prag të kësaj përballje, trajneri i katalanasve, Hansi Flick, vlerësoi kundërshtarin, por shtoi se beson të fitorja e skuadrës së tij.

"Do të luajmë në një stadium fantastik me një atmosferë të jashtëzakonshme. Tifozët na kanë mbështetur shumë gjatë sezonit dhe kjo është diçka nga e cila ne duhet të përfitojmë. Do të jetë një motiv shtesë. Ne kemi treguar cilësitë që kemi, unë kam besim të plotë tek ekipi dhe në atë që po bëjmë. Të gjithë japin maksimumin në çdo seancë stërvitore.

Duhet të kemi besim dhe të luajmë siç dimë ne. Janë disa situata që duhet t'i korrigjojmë. Dy pikët e humbura në kampionat, na lënduan, por unë jam i bindur se mund të bëjmë gjëra të mëdha si ekip i bashkuar. Besoj te fitorja ndaj Dortmund me një lojë të mirë. Janë tre pikë të rëndësishme për raundin tjetër.

Ne kemi luajtur shumë ndeshje, në të cilat kemi treguar vlerat që kemi si ekip. Kemi treguar se çfarë jemi të aftë të bëjmë dhe se mund të përballemi me ekipe të vështira. Është një ndeshje e komplikuar, por nëse japim gjithçka do ia dalim ta kalojmë me sukses. Liga e Kampioneve është tjetër nivel, ne duam pikët për të synuar kualifikimin për më tej”, deklaroi Flick.

Ndeshja Borussia Dortmund-Barcelona, do të luhet mbrëmjen e kësaj të mërkure, në orën 21:00.  





Lajmet e fundit nga