web counter
LEXO PA REKLAMA!

SHKARKO APP

App Store
Google Play

E fundit!

x

Onana nuk bind, Manchester United gjen zgjidhjen te Milani

10 Dhjetor 2024, 17:46, Sport CNA

Onana nuk bind, Manchester United gjen zgjidhjen te Milani

E ardhmja e portierit Andre Onana te Manchester United duket e pasigurt dhe thashethemet për largimin e tij të mundshëm në merkaton e ardhshme të verës kanë bërë që klubi anglez të eksplorojë alternativa për të forcuar pozicionin e tyre të portierit.

Në këtë situatë, Mike Maignan, portieri i Milanit dhe një nga më të spikaturit në të gjithë Evropën, është shfaqur si kandidati kryesor për të marrë postin e portierit titullar në “Old Trafford”. Me një kontratë deri në vitin 2026, francezi mund të largohet nga skuadra italiane.

29-vjeçari, konsiderohet si një nga portierët më të kompletuar dhe më të spikatur në futbollin evropian. Aftësia e tij për të bërë pritje vendimtare, e kombinuar me lojën e tij të shkëlqyer në këmbë, e ka bërë atë një shtyllë të padiskutueshme për Milanin që nga ardhja e tij në vitin 2021.

Për më tepër, përvoja e tij dhe lidershipi në portë e bëjnë atë një profil ideal për një klub si Manchester United, që kërkon stabilitet dhe garanci në një pozicion kyç pas një periudhe pasigurie me Onanën.

Milani, nga ana tjetër, përballet me një dilemë të madhe. Ndërsa ata hezitojnë të ndahen me Maignan, mundësia për të marrë një tarifë të konsiderueshme për transferimin e tij mund të jetë joshëse, veçanërisht nëse Junajtid është i gatshëm të bëjë një ofertë të rëndësishme. Raportimet nga Angli thonë se klubi i Premier League tashmë po përgatit një strategji për të bindur lojtarin dhe palën italiane.

Maignan mbetet i fokusuar në performancën e tij me Milanin, por interesi nga gjigantët evropianë e vë në dyshim të ardhmen e tij.





Lajmet e fundit nga