web counter
LEXO PA REKLAMA!

SHKARKO APP

App Store
Google Play

Milan-i "i dënuar" për fitore, Fonseca: Kam besimin e klubit

11 Dhjetor 2024, 09:50, Sport CNA

Milan-i "i dënuar" për fitore, Fonseca: Kam besimin e klubit

Milan-i është përballur me një sezon me oshilacione të shumta, si në kampionat ashtu edhe në Ligën e Kampioneve.

Sfida e radhës i vë kuqezinjtë përballë serbëve të Crvena Zvezda-s. Në këtë përballje, për raundin e gjashtë në Champions, fitorja është detyrim për italianët.

Kjo u pranua edhe nga trajneri Paulo Fonseca në konferencën e zakonshme për shtyp, ku tha se skuadra është përgatitur vetëm për fitore.

Tekniku kuqezi u shpreh besimplotë se Milan-i do të ndryshojë për pjesën e mbetur të sezonit, duke shtuar se ndien besimin që klubi ka ndaj tij.

“Është një ndeshje shumë e rëndësishme. Ne duam të fitojmë dhe të marrim 3 pikët. Përballë është një kundërshtar që fitoi 5-1 ndaj Stuttgart-it. Kohët e fundit jemi përmirësuar në mbrojtje. Mund të ndryshojmë diçka në prapavijë për këtë ndeshje, por jo dy qendërmbrojtësit.

Loftus Cheek do të luajë në vendin e Pulisic. Jam i bindur se do të bëjë mirë në atë rol. Nuk dua të flas për arbitrat dhe kampionatin. Dua të flas vetëm për Champions Ligue-n.

Ndiej besimin e klubit ndaj meje. Po punojmë mirë dhe besoj se mund të përmirësohemi. Besoj se në fund të kampionatit do të jemi në pozita të tjera. Synimi është të fitojmë ndeshjen e radhës. Ndoshta duke fituar të gjitha ndeshjet, mund të renditemi në tetë të parët”, u shpreh Fonseca.

Ndeshja mes Milan-it dhe Crvena Zvezda-s do të luhet në stadiumin “San Siro”, duke nisur nga ora 21:00.





Lajmet e fundit nga