web counter
LEXO PA REKLAMA!

SHKARKO APP

App Store
Google Play

E fundit!

x

Champions League/ Dortmund-Barcelona premton spektakël, Juventus-i pret City-n

11 Dhjetor 2024, 08:10, Sport CNA

Champions League/ Dortmund-Barcelona premton spektakël, Juventus-i pret

Këtë të mërkurë do të luhen nëntë ndeshjet e fundit për raundin e gjashtë në Ligën e Kampioneve.

Kjo xhiro rezervon sfida tejet interesante, të cilat pa mëdyshje mund të quhen edhe si finale të parakohshme. I tillë është takimi mes Borussia Dortmund-it dhe Barcelonës.

Dy ekipet janë përballur me oshilacione të shumta në këtë kompeticion dhe për këtë arsye tani pikët i kanë detyrim. Në një atmosferë të shkëlqyer në “Signal Iduna Park”, pritet një ndeshje spektakolare dhe e bukur, për shkak të lojës së hapur që bëjnë dy ekipet.

Si Barcelona, ashtu edhe Dortmund-i, kanë marrë 12 pikë pas pesë ndeshjeve të para dhe synojnë një tjetër fitore.

Ndeshje e luftuar pritet të jetë edhe ajo mes Juventus-it dhe Manchester City-t. Në Torino, përballen dy ekipet që po kalojnë një moment të vështirë dhe këtë sfidë e shohin si pikën e kthesës.

Dy ekipe me emër ndaj njëra-tjetrës, me objektivin që është i qartë, triumfi. Motta dhe Guardiola kërkojnë maksimumin në këtë sfidë, që mund të vendosë shumë për të ardhmen.

Interesante është edhe përballja mes Arsenal-it dhe Monaco-s. Anglezët vijnë si favoritë në këtë përballje, por francezët kanë treguar se mund të bëjnë surprizën, siç ndodhi ndaj Barcelona-s.

Jetike i ka pikët edhe Milan-i, që do të presë në shtëpi serbët e Crvena Zvezda-s. Këto takime do të luhen duke nisur nga ora 21:00, ndërsa me herët, Atletico Madrid luan ndaj Slovan Bratislava, ndërsa Lille sfidon Sturm Graz.





Lajmet e fundit nga