"Digit Alb" humbet edhe Superligën shqiptare, ja ku do të transmetohen ndeshjet e elitës

4 Gusht 2022, 19:09, Sport CNA
"Digit Alb" humbet edhe Superligën shqiptare, ja ku do të

Tjetër goditje për "DigitAlb"! Pasi humbi sezonin e kaluar një kampionat nga më të ndjekurit në botë dhe Shqipëri si Seria A, tashmë mbetet edhe pa futbollin shqiptar.

Prej më shumë se 1 dekade Superliga shqiptare ka qenë ekskluzivitet i "DigitAlb", por duket se oferta e kompanisë prej vetëm 600 mijë eurosh dhënë në garën e hapur nga "TVSH" është mjaft e ulët.

CNA.al ka mësuar se kompania “Tibo” e cila është partnere e "OverSport" që mban ekskluzivitetin e Serisë A, ka ofruar 1.2 milionë euro, pra dyfishin më shumë se "DigitAlb", për të blerë të drejtën televizive të ndeshjeve të "Abissnet Superiore".

Burime zyrtare i thanë CNA.al se ditën e sotme FSHF-ja raportoi se është shtyrë shpallja e fituesit, por duket se "Tibo" dhe "OverSport" kanë siguruar të drejtën e transmetimit të elitës së futbollit shqiptar, ka ngelur vetëm formalizimi.

Shuma e parave që merret nga të drejtat e transmetimit shpërndahet për klubet e futbollit të Superligës sipas peshës që ata kanë në kampionat. Oferta e "Tibo" dhe "OverSport" qartazi rrit të ardhurat e FSHF-së dhe u mundëson ekipeve të marrin dyfishin e parave që siguronin nga e drejta televizive./CNA.al

Lajmet e fundit nga