Laçi rikthen në stol trajnerin që dështoi sezonin e kaluar

3 Gusht 2022, 22:04, Sport CNA
Laçi rikthen në stol trajnerin që dështoi sezonin e kaluar
Dejan Vukicevic

Laçi gjen trajnerin e ri, ose më saktësisht, kthen një emër që e ka drejtuar edhe më parë klubin kurbinas. Por zgjedhja që kanë bërë drejtuesit, ka lënë shumëkënd të çuditur.

Klubi ka konfirmuar nëpërmjet rrjeteve sociale se drejtimin e skuadrës, ironikisht si në vitin e kaluar në këtë pikë të sezonit, e merrte malazezi Dejan Vukiçeviç.

Një zgjedhje shumë e çuditshme duke llogaritur se eksperienca e tij e parë te klubi në fjalë, rezultoi një dështim total.

Malazezi mori drejtimin pas largimit të Duros me një skuadër, e cila u përfaqësua më se denjësisht në Europë duke shkuar në turin e tretë të Ligës së Konferencës.

Por rezultatet në kampionat lanë shumë për të dëshiruar dhe pas 2 barazimesh e 3 humbjesh në 5 javët e para, me Laçin në vendin e fundit, drejtuesit e shkarkuan atë.

Që atëherë trajneri malazez nuk kishte drejtuar asnjë skuadër tjetër e tani kthehet përsëri në pankinë pikërisht te kurbinasit nga të cilët ishte larguar pa lënë përshtypje të mira.

Lajmet e fundit nga