web counter
LEXO PA REKLAMA!

SHKARKO APP

App Store
Google Play

E fundit!

x

Legjenda e Bajernit: Mane dhe De Ligt nuk janë lojtarë të klasit botëror

3 Gusht 2022, 09:56, Sport CNA

Legjenda e Bajernit: Mane dhe De Ligt nuk janë lojtarë të klasit

“Me gjithë respektin e duhur për Sadio Manenë dhe Matajs de Ligtin – të dy nuk janë lojtarë të klasit botëror për mua”, shkruan Rumenige për dy transferimet e Bajernit në rubrikën e tij në “Sportbuzzer”.

“Mane me siguri do t’i shënojë golat e tij në Bundesligë, por në moshën 30-vjeçare nuk e shoh atë në nivelin absolut. Po të ishte ndryshe, Jyrgen Klop me siguri do të kishte luftuar më shumë për ta mbajtur sulmuesin te Liverpuli”. Majkëll Rumenige është shumë i drejtpërdrejtë.

Ish-lojtari i Bajernit dhe Dortmundit (ish-vëllai i legjendës së klubit dhe ish-shefit të bordit, Karl-Hainc Rumenige) ka një tjetër qëndrim për merkaton e deritanishme të 10 herë kampionëve të fundit të Gjermanisë.

Pas largimit të Manesë, vetë Klop tha në një intervistë për “Leipziger Volkszeitung” se kalimi te Bajerni mund të ishte ndalur.

“Por Mane dëshironte patjetër të bënte diçka të re. Ne e kemi përmbushur këtë kërkesë në shenjë mirënjohjeje për 6 vitet e tij këtu”, theksoi atëherë trajneri gjerman.

Rumenige nuk është i vetëm në kritikat e tij për transferimin e sulmuesit senegalez. Eksperti i “Dazn” dhe ish-sulmuesi i Bajernit, Sandro Vagner, gjithashtu dyshon për transferimin e 30-vjeçarit: “Mane është një emër i madh, një lojtar i madh për Bundesligën. Por Bajerni nuk kishte vërtet nevojë për pozicionet e driblimit. Ai ka kuptim si transferim nëse skuadra do të ndryshojë sistemin sepse nuk ka më një sulmues të vetëm”.





Lajmet e fundit nga