Bastoni pranon stimulimin ndaj Juventus: Ndjej keqardhje për... gjyqtarin

17 Shkurt 2026, 18:05, Sport CNA

Alessandro Bastoni ka folur publikisht tre ditë pas episodit të diskutuar në Serie A gjatë ndeshjes Inter – Juventus. Mbrojtësi i Interit pranoi se kishte simuluar në aksionin që solli kartonin e kuq për Pierre Kalulu.

Bastoni theksoi se pendesa e tij lidhet me reagimin pas episodit dhe jo me kontaktin në fushë. Ai sqaroi se nuk kishte për qëllim të krijonte polemika të mëdha dhe se situata u amplifikua nga reagimet jashtë fushës.

Futbollisti shtoi se nga ana psikologjike ndihet mirë dhe është gati të rikthehet në fushë. Bastoni shprehu keqardhje edhe për presionin e ushtruar ndaj familjes së tij. Ai foli gjithashtu me mirëkuptim për gjyqtarin La Penna, duke theksuar se situata ka qenë e vështirë për të gjithë të përfshirët.

“Doja të isha këtu për të dhënë versionin tim të natës të së shtunës. Ishte e drejtë dhe e përshtatshme të tregoja veten time dhe të shpjegoja ndjesitë e mia. Kur ndjeva kontaktin, e theksova rënien. E them këtë pa probleme. Ajo për të cilën pendohem është reagimi im më pas, i cili ishte shumë i keq teksa isha në versionin tim më konkurrues. Më vjen keq që reagova në atë mënyrë. Mendoj se është po aq e drejtë që karriera ime dhe personi im nuk duhet të përkufizohen nga ai episod. Pasi e them këtë, nuk prisja të krijoja kaq shumë bujë. Gjithashtu vura re shumë shpifje dhe sjellje të rremë. Kam dëgjuar shumë njerëz që janë pjesë e sportit të thonë gjëra që nuk ekzistojnë as në qiell e as në tokë. I falënderoj ata që thanë gjërat e duhura, domethënë, që gabohesha.

Personalisht ky episod nuk më ka lënë shenjë, më vjen keq por jam në gjendje të menaxhoj çdo situatë. Më vjen keq për gruan dhe familjen time, gruaja ime ka parë kërcënime me vdekje dhe më vjen keq gjithashtu edhe për gjyqtarin La Pena, pasi janë persona që nuk janë kaq të ekspozuar ndaj gjërave të tilla.

Nga ana psikologjike jam mirë, ka ndodhur e njëjta gjë edhe në anë të ndërsjellë me Liverpulin. Virc nuk u ekspozua ndaj këtyre gjërave për penalltinë. Trajneri ishte koherent duke thënë të njëjtën gjë, e përsëris sepse është kritikuar për gjëra të tilla. Ekziston dëshira për të zbritur në fushë përsëri dhe nuk ka ndikuar tek unë”, ishin fjalët e Bastonit para mediave.