E fundit!

20:21 Politikë

“Më telefonoi Berisha 1 orë para kandidimit”/ Korreshi tregon prapaskenat e zgjedhjeve në PD

Deputeti i Partisë Demokratike, Saimir Korreshi, ndau sot ...

Barcelona-Atalanta, Flick: E vështirë ndaj italianëve

29 Janar 2025, 14:16, Sport CNA

Barcelona-Atalanta është një nga sfidat që priten me interes të lartë në raundin e tetë të Ligës së Kampioneve.

Në prag të kësaj përballjeje, trajneri i katalanasve, Hansi Flick, vlerësoi maksimalisht kundërshtarin. Tekniku gjerman pranoi se qëllimi kryesor i tij është fitimi i titullit në Spanjë, por këtë herë kërkon vendin e dytë.

“Italianët mbrojnë mirë dhe për këtë arsye është e vështirë të luash ndaj tyre. Atalanta ka një stil unik. Ata luajnë shumë mirë në një kundër një, mbajnë topin dhe janë të shpejtë në kundërsulme. Objektivi ynë është të përfundojmë të dytët në renditje, ndonëse e pranoj që fitimi i titullit kampion është më i rëndësishëm për mua.

Kam respekt të madh për Gasperinin dhe për atë që ai ka bërë tek Atalanta, në nivel kombëtar dhe europian. Mungesa e Lookman është e rëndësishme për Atalantën, por nuk mendoj se do të peshojë në lojë.

Gasperini e njeh shumë mirë ekipin e tij dhe do të përpiqet të bëjë lojën e tij. Vendimi për zgjedhjen e portierit është shumë i vështirë, sepse të dy janë në formë të shkëlqyer. Për momentin kam zgjedhur Sheznin. Me të kemi folur edhe për Atalantën”, u shpreh Flick.

Në krahun tjetër, edhe trajneri i Atalantës, Gasperini nuk i kurseu vlerësimet për Barcelonën, ndërsa tha se ky është një test i mirë për ekipin e tij, për të kuptuar se deri ku janë.

“Ata janë një skuadër e bukur për t'u parë, për lojën, për finalizimin që kanë treguar këtë vit. Është një mënyrë për të matur veten kundër skuadrave të tilla dhe për të kuptuar sa konkurrues jemi.

Në fillim të edicionit do të kishim firmosur për të qenë në "play off", ndërsa tani luajmë për tetë vendet e para. Ne kështu jemi. Nuk vendosim kufij apo objektiva. Ne vetëm mundohemi të bëjmë lojën tonë. Ka keqardhje për ndeshjet ndaj Arsenal dhe Celtic, por kjo është e bukura e këtij kompeticioni.

Atalanta nuk duhet të më bëjë dhurata në merkato. Kjo është e turpshme. Unë nuk kam nevojë për merkato, ata duhet ta bëjnë për veten, për të tashmen dhe të ardhmen.

Cilin lojtar do doja nga Barcelona? Ne nuk blejmë, ne shesim”, deklaroi Gasperini.

Pas shtatë raundeve të para, Barcelona mban vendin e dytë me 16 pikë, ndërsa Atalanta renditet në vendin e shtatë me 14 pikë.