E fundit!

20:21 Politikë

“Më telefonoi Berisha 1 orë para kandidimit”/ Korreshi tregon prapaskenat e zgjedhjeve në PD

Deputeti i Partisë Demokratike, Saimir Korreshi, ndau sot ...

Conceicao: Dua kualifikimin në Champions, nuk më intereson Inter-i

29 Janar 2025, 12:07, Sport CNA

Milan-i përballet me Dinamo Zagreb në transfertë, në ndeshjen e raundit të tetë në Ligën e Kampioneve. Kuqezinjtë e kanë detyrim fitoren, e cila do t'u siguronte matematikisht kualifikimin për më tej.

Në prag të kësaj përballjeje, trajneri i Milan-it, Sergio Conceicao, deklaroi se renditja mes tetë më të mirave, është objektivi i dytë pas Superkupës.

Në konferencën për shtyp, tekniku portugez tha se nuk mendon për asgjë tjetër, përveç triumfit dhe lojës së mirë.

Ndonëse në fundjavë do të përballen me Inter-in, Conceicao tha se nuk bën asnjë llogari për sfidën e ardhshme.

“Synojmë të bëjmë një ndeshje pozitive dhe të fitojmë. Suksesi vjen me punë, në duam ta mbyllim këtë fazë më fitore. Përgjegjësia jonë është që të mbrojmë një klub të madh siç është Milan-i.

Unë nuk bëj llogari për derbin. Mendoj ndeshje pas ndeshjeje. Duhet të jemi të fokusuar vetëm te ndeshja me Dinamo Zagreb, e cila do të jetë shumë e vështirë. Pas fitimit të Superkupës, objektivi i dytë është të renditemi në tetë të parat në Champions League. Jemi të fokusuar te kjo ndeshje dhe nuk mendojmë për derbin.

Nuk duhet të shikojmë shumë larg. T’i kalojmë shkallët një nga një, ndryshe pengohemi. Ka shumë aspekte në lojë ku skuadra duhet të përmirësohet. Ka raste kur bëjmë mirë, ka raste të tjera që ndodh e kundërta. Trajnerët kërkojnë gjithmonë perfeksionin. Ne punojmë për detajet me ekipin.

Po punojmë që në fund të sezonit të arrijmë objektivat që kemi. Tani duhet të mendojmë vetëm për të fituar ndaj Dinamo Zagreb”, deklaroi Conceicao.

Pas shtatë raundeve të para, Milan-i mban vendin e gjashtë me 15 pikë dhe fitorja ndaj Dinamo Zagreb, do të siguronte kualifikimin për në fazën me eliminim direkt.

Sfida mes Milan-it dhe Dinamo Zagreb, do të luhet mbrëmjen e kësaj të mërkure, duke nisur nga ora 21:00.