web counter
LEXO PA REKLAMA!

SHKARKO APP

App Store
Google Play

"Bajramin e shoh te Fiorentina", Reja surprizon me rrëfimin: Ja çfarë i mungon Asllanit

11 Gusht 2022, 10:56, Sport CNA
"Bajramin e shoh te Fiorentina", Reja surprizon me rrëfimin: Ja
Edi Reja

I pranishëm në testin miqësor mes Italisë U-19 dhe Shqipërisë U-19, ishte edhe trajneri i Kombëtares shqiptare, Edi Reja, i cili ka komentuar ndeshjen, por edhe punën që po bëhet në përfaqësuesen kuqezi.

“Jemi sjellë mirë në pjesën e parë, por më pas doli në pah cilësia dhe u mposhtëm. Gjithsesi, jam i kënaqur nga ajo që pashë, pasi skuadra e Cungut luajti vërtetë mirë. Në Shqipëri po punohet shumë mirë, pasi stafi është thuajse i gjithi italian dhe unë jam atje prej tri vitesh.

Shpresojmë të gjejmë ndonjë element të rëndësishëm pasi duam pjesëmarrjen në Europian. Megjithatë, duhet të rriten prurjet nga kampionati shqiptar dhe jo vetëm të presim nga jashtë”, u shpreh trajneri kuqezi.

Edi Reja ka komentuar edhe transferimin e Kristjan Asllanit tek Interi, një mesfushor vetëm 20 vjeç, që në qershor bëri debutimin zyrtar me Kombëtaren shqiptare dhe pritet të jetë një nga pikat më të forta në të ardhmen.

“Asllani ka bërë gjëra të mëdha kur ka luajtur dhe unë i kam dhënë mundësinë të debutojë, ku ka shfaqur shumë personalitet. Ka nevojë për eksperiencë, në mënyrë që të shndërrohet i rëndësishëm, por ka treguar tashmë se ka shumë cilësi”, tha Reja.

Një tjetër futbollist kuqezi, që mund të bëjë një hap të rëndësishëm është padyshim Nedim Bajrami, aktualisht pjesë e Empolit, por që mund të transferohet në klubin tjetër toskan, Fiorentina, për sezonin e ri.

“Shpresoj që Bajrami të shkojë te Fiorentina, pasi është shumë i talentuar. Tek Empoli ka treguar shumë kualitet, megjithatë unë e shoh mjaft mirë edhe te Fiorentina aktuale, pasi mund të luajë në mesfushë dhe në të gjithë rolet pas sulmuesit kryesor. Ka cilësi teknike, shpejtësi dhe goditje mjaft të mirë të portës”, tha trajneri i Shqipërisë.





Lajmet e fundit nga