web counter
LEXO PA REKLAMA!

SHKARKO APP

App Store
Google Play

Pensionistët e zhgënjyer në Vlorë: Nuk kemi para as për një kafe

4 Shkurt 2025, 12:22, Sociale CNA

Pensionistët e zhgënjyer në Vlorë: Nuk kemi para as për

Pensionistët në Vlorë janë shprehur të zhgënjyer dhe të dëshpëruar pas rritjes së pensioneve dhe bonusit të premtuar nga qeveria.

Sipas premtimeve, ata që kanë pension më të lartë se 20 mijë lekë do të marrin një bonus prej 50 mijë lekësh, ndërsa ata me pension më të ulët do të përfitojnë 10 mijë lekë.

Megjithatë, shumë pensionistë janë përballur me një realitet të hidhur. Shumë prej tyre janë dyndur pranë zyrave të postës për të marrë pensionet dhe bonuset e premtuara, por disa kanë ikur me duar bosh për shkak të mungesës së fondeve.

Të tjerë janë shprehur të zhgënjyer nga ajo që e cilësojnë si një premtim të pambajtur nga qeveria.

Një pensionist i operuar nga zemra ka treguar se ka marrë vetëm 130 mijë lekë, por nuk ka mundur të përballojë nevojat e tij të përditshme.

"Bonusin nuk na e dhanë, na gënjyen. Nuk e di si do t'ia dalim. Kam gjashtë muaj pa paguar dritat dhe nuk mund të shkoj as për analiza. Kam pasur nevojë urgjente për ambulancë, por nuk më erdhën", tha ai, duke shtuar se ka shumë vështirësi të përballojë çdo muaj.

"Na ndanë nga shoqëria, nuk dalim dot të pimë një kafe." Pensionistët ndihen të lënë pas dore dhe të braktisur nga premtimet e qeverisë./ CNA





Lajmet e fundit nga