web counter
LEXO PA REKLAMA!

SHKARKO APP

App Store
Google Play

E fundit!

x

Rritet numri i rasteve me viroza në Pediatrinë e Korçës/ Këshillat e mjekut Robert Rado

27 Janar 2025, 12:24, Sociale CNA

Rritet numri i rasteve me viroza në Pediatrinë e Korçës/

Në Urgjencën e Pediatrisë së Korçës ka pasur një rritje të numrit të rasteve me viroza të stinës, çka ka shkaktuar fluks në këtë pavion. Sipas shefit të pediatrisë Robert Rado, në Urgjencën e Pediatrisë paraqiten rreth 60 raste në ditë të fëmijëve që shfaqin probleme shëndetësore me gripin stinor. Për Radon kjo është një periudhë që ka vazhdimësi të rasteve të gripit dhe për të është normal ky lloj fluksi.

"Atëherë situata në shërbimin tonë në 2025 duke filluar që në muajin e parë ka një rritje të fluksit të fëmijëve që paraqiten në shërbimin e pediatrisë. Por duke u nisur nga koha që po kalojmë dhe situata epidemiologjike që është në Shqipëri për mua është një fluks normal për arsye se jemi në nje periudhë ku gripi ka filluar dhe vazhdon me rastet. Numri i vizitave të cilët paraqiten mund të jetë 50- 60 ka raste edhe më shumë ose më pak, por mesatarja është 50 - 60 vizita. Kryesisht rastet kanë qënë me virozat e stinës apo me grip siç e quajmë ne."

Pjesa më e madhe e fëmijëve marrin ndihmën mjekësore pranë pediatrisë dhe më pas trajtohen në banesat e tyre. Janë të pakta rastet të cilat shfaqin më tepër probleme dhe kanë nevojë për shtrim spitalor. Sipas shefit të pediatrisë, prindërit alarmohen nga temperatura e lartë e cila në kushtet e shtëpisë edhe duke përdorur antipieretikë nuk ulet. Ndër të tjera, shihet që nga ky grip mund të ketë komplikacione në rrugët e frymëmarrjes apo edhe në infeksione të veshëve.

"Në rastet normale, 3 ditët e para janë çdo lloj patologjie do bëjë ecurinë e saj e më pas në vazhdimësi edhe gripi duhet të ndiqet për të parë komplikacione. Shumica e rasteve vijnë, bëjnë vizitat dhe largohen. Rastet të cilat gjykohen që janë me komplikacione që vijnë pas ditës së 3- të, 4- tërt ose të 5- të apo edhe më vonë ku shihet që gripi mund të ketë dhënë komplikacione që mund të jenë të rrugeve të sipërme të frymëmarrjes , rrugeve të poshtme të frymëmarrjes ku futen kryesisht anginat apo infeksionet e veshëve apo rrugët e poshtme të frymëmarrjes ku ne i ndajmë sipas grupmoshave. Grupmoshat nga 0- 1 vit  janë kryesisht bronkiolite apo bronkopneumoni, apo 1- 5 vjec etj këto raste ne i shtrojmë ose komplikacione si raste gastrointensinale të cilat në këtë stinë nuk është se janë zero ne i shkrojme në varësi të situatës që paraqet fëmija dhe gjendjes së fëmijës."

Këshillat që jep Rado në këtë situatë konsistojnë tek fëmijët e grupmoshës shkollore të cilët nuk duhet për të paktën 5 ditë të shkojnë në shkolla dhe çerdhe pasi gripi mund të transmetohet lehtësisht tek këta të fundit. Fillimisht duhet që të marrin shërbim tek mjeku i familjes e më pas, në raste komplikacionesh duhet të paraqiten tek pediatria e qytetit.

"Fëmijët e grupmoshës parashkollore nëse janë me temperaturë nuk dihet të shkojnë në çerdhe e kopshe edhe fëmijët e grupmoshës shkollore. Të paktën 5 ditët e para nuk duhet të shkojne në shkolla sepse mënyra e transmetimit të viruseve dihet që është kontakti aerogen apo nëpërmjet sekrecioneve që eliminohen në 5 ditët e para nga fëmijët me grip. Jo që në fillim të paraqiten në repartin e urgjencës në pediatri, ka një sistem referimi duke shkuar tek mjeku i familjes, do e shohë, do t'i japë udhëzimet e tij, do përdoren antipiretikët në fillim sepse e kemi theksuar që nuk ka mjekim specifik për viruse. Trajtimi është simptomatik në varësi të komplikacioneve duhet gjykuar e ndjekur në dinamikë dhe do bëhet mjekimi adekuat apo i barabartë sipas gjendjes."

Në këtë sezon virozash, prindërit e fëmijëve duhet të jenë ata që të shfaqin më tepër kujdes dhe vëmendje duke shmangur turmat dhe kontaktet e fëmijëve të tyre në ambiente të mbyllura dhe publike si lokalet apo institucionet shkollore. Higjiena është tepër e rëndësishme në raste të tilla ku prindi duhet të mbajë maskë dhe të ketë më tepër kujdes sa u përket papastërtive./ CNA





Lajmet e fundit nga