web counter
LEXO PA REKLAMA!

SHKARKO APP

App Store
Google Play

E fundit!

x

Mjeshtëria e gdhendjes së gurit/ Tradita e Gjirokastrës në punimet e rralla është drejt zhdukjes

3 Maj 2025, 15:58, Sociale CNA

Mjeshtëria e gdhendjes së gurit/ Tradita e Gjirokastrës në

Kjo është njësia e mjeshtrit të njohur të gurit Muhedin Makri, i cili vite më parë i ktheu zhurmat karakteristike të artizanëve pazarit të Gjirokastrës. Ai nuk është më në jetë prej disa vitesh, por i biri Ermali po e vazhdon këtë profesion me shumë pasion në pazar.

Objektet e gdhendura në gur brenda kësaj njësie janë të panumërta dhe motivet janë grumbulluar nga tradita shumëvjeçare e qytetit në gdhendjen e gurit. Ka motive që vijnë nga bota floreale, nga kostumet, nga arkitektura e qytetit, nga rrugët nga simbolika të ndryshme të reja dhe të vjetra në kohë.

Mjeshtëria e gdhendjes së gurit/ Tradita e Gjirokastrës në

Pavarësisht punës së palodhur, Ermali shpreh keqardhje se si sot është "katandisur" pazari i vjetër , një pazar ku mjeshtrat numërohen me gishta ndërsa të gjitha hapësirat janë zaptuar nga tavolinat e lokaleve dhe bareve .

“Është një zanat i veçantë që jo çdokush mund ta bëjë, se këtu shoh që del ndonjë dhe thotë jam artizan, por nuk janë punime dore. Të shumtat e punimeve që na vijnë në qafën e pazarit, e cila është shquar si djepi i prodhimeve artizanale dhe mua më vjen keq si artizanë që shoh se shumë prodhime janë të importuara. 1 person këtu ka mar 10 -15 dyqane dhe e ka mbushur pazarin me prodhime kineze .Mua ma thonë të huajt që je më i veçanti, pasi e shohin që unë punoj me dorë. Punimet janë të shumta por interesi i pakët dhe ne këtu jemi të diskriminuar nga bashkia dhe institucionet e tjera”,-shprehet  mes të tjerash Makri.

Mjeshtëria e gdhendjes së gurit/ Tradita e Gjirokastrës në

Gdhendja e gurit është mes motiveve me origjinale të pazarit të Gjirokastrës. Pa çekiçin dhe pa zhurmën e zejeve, e gjithë jeta e pazarit nuk do të kishte kuptim./CNA





Lajmet e fundit nga