web counter
LEXO PA REKLAMA!

SHKARKO APP

App Store
Google Play

Erion Dasho thirrje autoriteteve/ Merrni masa për lijën e majmunëve

28 Maj 2022, 18:24, Sociale CNA
Erion Dasho thirrje autoriteteve/ Merrni masa për lijën e
Eksperti i Shëndetit Publik, Erion Dasho

Eksperti i Shëndetit Publik, Erion Dasho, ka kritikuar autoritetet shëndetësore, teksa ka folur për lijën e majmunëve.

Në një prononcim për CNA.al, Dasho tha se nga përvoja është provuar se autoritetet tona nuk janë të afta për të përballuar siç duhet shpërthimet epidemike.

Ai deklaroi se ata duhet të jenë të përgatitura për të informuar popullatën, për trajnimin e personelit mjekësor dhe sigurimin e medikamenteve.

"Përvoja me COVID-in tregoi se autoritetet tona shëndetësore nuk janë të afta për të përballuar siç duhet shpërthimet epidemike. Uroj që kësaj here të merren masa profesionale. Në radhë të parë, janë masat parandaluese që nisin me informimin dhe edukimin e popullatës për të mos lejuar që njerëzit të bien në panik apo të bëhen pre e teorive konspirative.Kjo duhet të vazhdojë me trajnimin e personelit mjekësor për identifikimin e hershëm dhe raportimin e rasteve të mundshme dhe për të përfunduar me sigurimin e medikamenteve që janë provuar të efektshme në të kaluarën.

CDC në SHBA rekomandon disa medikamente që mund të përdoren për të trajtuar format e rënda të sëmundjes ku hyjnë tecovirimat, cidofovir, apo edhe antitrupa monoklonalë. Të paktën autoritetet shëndetësore duhet të kenë kontakt me prodhuesit e këtyre medikamenteve për të siguruar një rrugë të shpejtë për blerjen e tyre në rast shfaqjesh të rasteve edhe në vendin tonë”, theksoi eksperti i Shëndetit Publik./ CNA.al

 





Lajmet e fundit nga