E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Zgjidhja kirurgjikale e sfidave intraoperatore”/ Spitali Amerikan zhvillon Masterklasin Kirurgjikal në bashkëpunim me shoqatën AMEA

25 Mars 2023, 22:28, Shëndeti CNA

“Zgjidhja kirurgjikale e sfidave intraoperatore”/ Spitali Amerikan

Shoqata AMEA në bashkëpunim më Spitalin Amerikan startuan Kalendarin e Aktiviteteve Shkencore dhe Akademike të Edukimit në Vazhdim me një Masterklas Kirugjikal të nivelit ekselent me fokus "Zgjidhja kirurgjikale e sfidave intraoperatore", në të cilin 17 kirurgët më të shquar të disiplinave të ndryshme të kirurgjisë vendase dhe të huaj i njohën pjesëmarrësit me teknikat më moderne dhe rastet ekstreme në Kirurgjitë madhore.

Nën moderimin e Prof. Dr. Mentor Petrelës dhe Dr. Shk. Lindita Shoshës ky masterklas u zhvillua në tri seksione: Kirugjia Kokë-Qafë, Kirugjia Kardiovaskulare dhe Kirugjia e përgjithshme.

“Zgjidhja kirurgjikale e sfidave intraoperatore”/ Spitali Amerikan

Vendimmarrja kirurgjikale dhe roli i ekipit multidisiplinor në operacionet e vështira, kirurgjia mini-invazive, sfidat intraoperatore kirurgjikale dhe onkologjike të rasteve me rrezikshmëri të lartë mortaliteti dhe komplikacionesh në Kirurgjinë e përgjithshme, Neurokirurgji, Kardiokirurgji, Ortopedi, Oftalmologji, ORL, Kirurgjinë plastike, Kujdesi perioperator te pacientët me rrezikshmëri të lartë, dhe të tjera, ishin pjesë e këtij Masterklasi unik.

“Zgjidhja kirurgjikale e sfidave intraoperatore”/ Spitali Amerikan

Një event shkencor mjekësor gjithpërfshirës me eksperiencën më të mirë nga performanca e kirurgëve të Spitalit Amerikan, Spitalit Hygeia, QSUT-së dhe Spitalit Universitar të Traumës.

Ky aktivitet ishte akredituar nga ASCKSHSH-ja me 6 (gjashtë) KREDITE, të cilat njihen si në Shqipëri ashtu edhe nga Oda e mjekëve në Kosovë dhe Maqedoninë e Veriut.

“Zgjidhja kirurgjikale e sfidave intraoperatore”/ Spitali Amerikan

Me një pjesëmarrje të shumtë nga të gjitha trevat mbarë shqiptare profesionistët e shëndetësisë u njohën me eksperiencën më të mirë nga performanca e kirurgëve të Spitalit Amerikan, Spitalit Hygeia, Qendës Spitalore Universitare “Nënë Tereza” dhe Spitalit Universitar të Traumës.

Diskutime, referime, rezultate, debate, këndvështrime të ndryshme, shkëmbim eksperiencash, risi, bashkëbisedime interaktive me më të spikaturit e fushës ishin pjesë e këtij Masterklasi 1 (një) ditor.

Shoqata AMEA do të vazhdojë Kalendarin e Aktiviteteve të Spitalit Amerikan me Simpoziumin e Endoskopisë neurologjike më 2 Maj 2023 me të ftuar profesorin francez me famë botërore Emmanuel HOUDART.