LEXO PA REKLAMA!

SHKARKO APP

App Store
Google Play

E fundit!

x

Të dhëna të reja lidhin qentë rakun me origjinën e COVID-it

18 Mars 2023, 10:14, Shëndeti CNA

Të dhëna të reja lidhin qentë rakun me origjinën e

Materiali gjenetik i mbledhur në një treg kinez pranë vendit ku u identifikuan rastet e para me COVID-19 tek njerëzit, tregon ADN-në e atyre që njihen si qentë rakun të përzier me virusin. Kjo sipas ekspertëve ndërkombëtarë shton provat mbi teorinë se virusi e ka origjinën nga kafshët, dhe jo nga një laborator. Qentë rakun, të njohur dhe si 'tanuki' onuk janë rakunë, por kanë prejardhje nga familja e qenve.

“Këto të dhëna nuk japin një përgjigje përfundimtare se si filloi pandemia, por çdo pjesë e tyre është e rëndësishme për të na afruar tek përgjigjja”, tha të premten Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus.

Por se si u shfaq koronavirusi mbetet e paqartë. Shumë shkencëtarë besojnë se ka shumë të ngjarë të ketë kaluar nga kafshët tek njerëzit, në një treg kafshësh të egra në Wuhan të Kinës, ashtu sikurse kanë ndodhur me shumë viruse të tjera në të kaluarën. Por në Wuhan gjenden disa laboratorëve të përfshirë në mbledhjen dhe studimin e koronaviruseve, gjë që ka nxitur teoritë, që shkencëtarët thonë se janë të besueshme, se virusi mund të ketë dalë nga një prej tyre.

Gjetjet e reja nuk i japin përgjigje pikëpyetjeve dhe ato nuk janë shqyrtuar zyrtarisht nga ekspertë të tjerë apo nuk janë publikuar në një revistë shkencore.

Zoti Tedros kritikoi Kinën për mos ndarjen e informacionit gjenetik më herët, duke thënë në një konferencë shtypi se këto të dhëna duhej të ishin ndarë tre vjet më parë.

Mostrat u mblodhën në fillim të vitit 2020, nga sipërfaqet në tregun e prodhime të detit Huanan, që ndodhet në Wuhan, ku u gjetën rastet e para me COVID-19 tek njerëzit, në fund të vitit 2019.

Zoti Tedros tha se sekuencat gjenetike u ngarkuan vetëm së fundmi në bazën më të madhe të të dhënave mbi viruset në botë nga shkencëtarët e Qendrës Kineze për Kontrollin dhe Parandalimin e Sëmundjeve.

Më pas ata u hoqën, por jo përpara se një biolog francez të dallonte rastësisht informacionin e ta ndante atë me një grup shkencëtarësh me bazë jashtë Kinës, që po shqyrtojnë origjinën e koronavirusit.

Të dhënat sipas shkencëtarëve tregojnë se disa nga mostrat positive për COVID, të mbledhura nga një stallë, e njohur për tregtinë e kafshëve të egra, përmbanin gjithashtu gjene të qenve rakun, që tregojnë se kafshët mund të jenë infektuar nga virusi. Gjetjet u raportua për herë të parë në revistën ‘The Atlantic’.

Qentë rakun, të emërtuar si të tillë për shkak të fytyrës së tyre të ngjashme me rakunët, shpesh çiftohen për leshin dhe shiten për mish në tregjet e kafshëve në të gjithë Kinën. Ray Yip, një epidemiolog dhe anëtar themelues i zyrës së Qendrës amerikane për Kontrollin e Sëmundjeve në Kinë, tha se gjetjet janë domethënëse, edhe pse ato nuk janë përfundimtare.

Përpjekjet për të përcaktuar origjinën e pandemisë COVID-19 janë komplikuar nga shumë faktorë, duke përfshirë rritjen masive të infeksioneve tek njerëzit në dy vitet e para të pandemisë dhe një mosmarrëveshje gjithnjë e më të ashpër politike.

Ekspertëve u është dashur më shumë se 10 vjet për të përcaktuar origjinën shtazore të virusit SARS./ VOA

Lajmet e fundit nga