web counter
LEXO PA REKLAMA!

SHKARKO APP

App Store
Google Play

E fundit!

x

Temperaturat e larta në vend/ Mjeku endokrinolog këshillon diabetikët

23 Korrik 2023, 16:39, Shëndeti CNA

Temperaturat e larta në vend/ Mjeku endokrinolog këshillon

Mjeku endokrinolog Florian Toti ka folur për ndikimin negativ që kanë temperaturat e larta tek personat që vuajnë nga diabeti.

Toti është shprehur se temperaturat e larta mund të çojnë në rritje akute të vlerave të diabetit duke detyruar pacientët që t’u drejtohen spitaleve.

“Të sëmurët që kanë probleme me tensionin e lartë rrezikojnë kriza hipertensive. Periudhën e verës duhen shtuar matjet për kontrollin e diabetit pasi glicemitë e larta dhe vapa e madhe mund të cojnë në dekompensim akut të diabetit dhe nevojën për ardhjen në urgjencë apo shtrimin e pacientit.”-tha mjeku.

Mjeku endokrinolog u ka bërë thirrje diabetikëve të kujdesen për mënyrën e të ushqyerit duke reduktuar frutat, pasi mund të ndryshojnë vlerat e sheqerit në gjak.

“Periudha e verës shoqërohet dhe me kosumimin e shtuar të frutave. Shtohet dhe rreziku që si pasojë e përdorimit të shtuar të frutave të kemi dhe vlera më të larta të sheqerit. Prandaj nevojitet mbajtja e një balance mes një diete të ekuilibruar dhe nivelit të sheqerit.”-deklaron Toti.

Ndër të tjera Toti ka nënvizuar se sa e rëndësishme është për mbrojtjen e shëndetit dhe veshja gjatë këtyre ditëve të nxehta.

“Të merren masat më përpara , të përdoren kapelet , të konsumohen disa litra ujë në ditë. Duhet të kufizojnë daljet në oraret më të nxehta të ditës, pra nga ora 10:00-11:00 deri nga ora 16:00-17:00 pasdite. Nuk duhet mbajtur kondicioneri ndezur gjatë gjithë kohës. Për personat me diabet rekomandohet që çorapet  të jenë pambuku dhe mos ecet asnjëherë zbathur sidomos në plazh.”- shtoi ai./CNA.al





Lajmet e fundit nga