Sëmundjet që mund t’iu shkaktojë kondicioneri gjatë sezonit të verës dhe masat që duhet të merrni

16 Korrik 2023, 21:05, Shëndeti CNA

Sëmundjet që mund t’iu shkaktojë kondicioneri gjatë

Për shkak të valëve të të nxehtit ekstrem, janë të shumtë njerëzit që i drejtohen përdorimit

të ajrit të kondicionuar gjatë stinës së verës. Nëse nga njëra anë ky mjet është thuajse i domosdoshëm për të përballuar vapën e madhe, nga ana tjetër rezulton të jetë tinëzar sepse nëse përdoret pa kujdes nuk është një aleat i shëndetit tonë.

Faji bie mbi të gjitha tek ndryshimet e papritura të temperaturës që pëson trupi kur kalon nga i nxehti në një mjedis frigoriferik. Dhimbjet e fytit, e ftohura, dhimbjet e muskujve prekin veçanërisht njerëzit më të brishtë. Por nuk kursehen as ata që janë të shëndetshëm.

Për më tepër, nuk duhet të nënvlerësohet mosfunksionimi i kondicionerit dhe gjendja e tij higjienike. Pastrimi i rregullt i filtrave është në fakt thelbësor për të eliminuar bakteret dhe viruset që mund të shkaktojnë pasoja të rënda mbi trupin tone. Po cilat janë shqetësimet tipike të shkaktuara nga ajri i kondicionuar?

Ajri i kondicionuar dhe e ftohura

Rrjedhje hundësh, lotim të syve dhe teshtitje. Këto janë simptoma tipike të një ftohjeje të shkaktuar nga ajri i kondicionuar, që duke dehidratuar mukozën e rrugëve të frymëmarrjes, e ekspozon atë ndaj sulmit të mikroorganizmave të ndryshëm.

Organi i parë që vuan nga ndryshimet e papritura termike është fyti i cili shfaqet i kuq dhe i acaruar. Në të njëjtën kohë, mund të përjetoni ndjesinë e djegies dhe vështirësi në gëlltitje. Nuk janë të rralla as enjtja e nyjave limfatike në qafë dhe ngjirja apo humbja e përkohshme e zërit.

Ndonjëherë preket trakti i poshtëm i frymëmarrjes, duke shkaktuar trakeit apo edhe bronkit, i cili kërkon një trajtim mjekësor specifik. Në rastin e simptomave të lehta, duke u konsultuar gjithmonë me mjekun apo farmacistin tuaj, mund t’i drejtoheni ilaçeve natyrale. Ndër më efektivet janë mjalti, vaji i pemës së çajit, trumza, sherebela dhe produktet balsamike me bazë eukaliptin dhe nenexhikun.

Dhimbje koke

Nuk dihet ende shkaku i dhimbjes së kokës që shfaqet pas një periudhe të caktuar ekspozimi ndaj ajrit të kondicionuar. Por shumë studime besojnë se dhimbja e kokës është rezultat i zgjerimit të papritur dhe i ngushtimit të mëvonshëm të arteries cerebrale anteriore.

Pra truri e mbron veten nga temperatura e ulët duke e shtuar qarkullimi e gjakut në zonë. Dhimbja e kokës në këtë rast identifikohet shumë lehtë:ajo është therëse, shtypëse ose pulsuese, dhe qetësohet në më pak se 30 sekonda para se të rishfaqet. Po ashtu lokalizohet në nivelin e tempujve apo ballit.

Në përgjithësi çrregullimi largohet vetvetiu. Por nëse është shumë i bezdisshëm mund të lehtësohet duke marrë një analgjezik. Të shkëlqyer në këtë rast janë edhe çajrat bimorë me bazë kamomilin, balsam limoni dhe sanëzës, të cilat sjellin relaksim.

Sytë e thatë

Një nga pasojat më të shpeshta të qëndrimit për një kohë të gjatë në ambiente me ajër të kondicionuar është tharja e syve. Gjëndrat meibomiane, të vendosura në skajet e qepallave, sekretojnë një substancë, e cila e lubrifikon sipërfaqen e syrit dhe e vonon avullimin e shtresës së lotit.

Kur sipërfaqja e syrit është e ekspozuar ndaj ajrit të kondicionuar ajo thahet. Dhe shfaqen disa simptoma të kësaj gjendje:skuqje, djegie, dhimbje, fotofobi (bezdi nga drita e diellit), ndryshim të shikimit dhe ndjesia sikur keni diçka të huaj në sy.

Ndonjëherë simptomat janë aq shumë të forta, saqë është i nevojshëm përdorimi i lotëve artificialë ose xhelave lubrifikues. Një ndihmë e vlefshme ofrohet edhe nga natyra. Për shembull, mendoni pak qeset e vogla me kamomil, që vendosen mbi sy pasi janë zier në ujë.

Ky veprim mund të përsëritet disa herë gjatë ditës. Jo më pak të dobishme janë fetat e kastravecit, të cilat vendosen direkt mbi qepallat e syve. Vetitë e tyre janë hidratuese, qetësuese dhe anti-inflamatore dhe garantojnë një lehtësim të menjëhershëm të gjendjes.

Qafa e ngurtë

Të gjithë vuajnë herët a vonë nga ngurtësimi i qafës (tortikoliza), së shkaktuar nga përdorimi i kondiocionerit. Është një gjendje e karakterizuar nga lëvizshmëri e kufizuar apo edhe bllokim i qafës, muskujt e së cilës duken se janë shumë të kontraktuar.

Simptoma kryesore është vështirësia në rrotullimin, përkuljen dhe shtrirjen e qafës. Kjo shoqërohet me dhimbje akute dhe simptoma të tjera si brakialgjia dhe ngurtësimi i muskujve të qafës së mitrës tek gratë. Terapia klasike për tortikolizën bazohet në pirjen e barnave analgjezike, anti-inflamatore dhe relaksuese të muskujve.

Dhimbja mund të lehtësohet edhe me ushtrime specifike. Sa i përket ilaçeve natyrale, shumë efektive janë shafrani i Indisë dhe xhenxhefili./ Pershtatur nga CNA