web counter
LEXO PA REKLAMA!

SHKARKO APP

Skuqja në të njëjtin vaj?/ Hulumtimet zbulojnë rrezikun që paraqet për shëndetin

28 Mars 2024, 07:37, Shëndeti CNA

Skuqja në të njëjtin vaj?/ Hulumtimet zbulojnë rrezikun

Kush mund t'i rezistojë patateve të skuqura, veçanërisht patateve të restorantit me ngjyrë të artë?

Edhe pse tashmë dihet se ushqimet e skuqura duhen konsumuar me moderim, për shkak të kalorive të larta dhe yndyrave, një studim i ri nxjerr në pah rreziqet e vajrave të gatimit të ripërdorur.

Më konkretisht, shkencëtarët, përmes një studimi të prezantuar në Discover BMB, takimi vjetor i Shoqatës Amerikane për Biokiminë dhe Biologji Molekulare, dhe duke u fokusuar në eksperimentet me minj, zbuluan se kafshët eksperimentale që konsumonin ushqim të skuqur në vaj tashmë të përdorur, paraqisnin nivele më të larta të neurodegjenerimit, krahasuar me kafshët e kontrollit në një dietë të shëndetshme. Megjithatë, i njëjti model u vu re te pasardhësit e tyre.

Studiuesit zbuluan gjithashtu se rritja e neurodegjenerimit duket të jetë e lidhur me efektet e vajit në rrjetin e komunikimit të dyanshëm midis mëlçisë, zorrëve dhe trurit. Ky bosht mëlçi-zorrë-tru konsiderohet vendimtar për rregullimin e funksioneve të ndryshme fiziologjike dhe dëmtimi i tij shoqërohet me çrregullime neurologjike.

Megjithëse nevojiten më shumë kërkime, autorët e studimit raportojnë se plotësimi me acide yndyrore omega-3 dhe lëndë ushqyese si kurkumina dhe oryzanoli mund të ndihmojë në reduktimin e inflamacionit të mëlçisë dhe neurodegjenerimit. Megjithatë, për të vlerësuar rezultatet e tyre, do të nevojiten studime klinike./ CNA





Lajmet e fundit nga