E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sekreti i jetëgjatësisë

23 Mars 2024, 16:05, Shëndeti Ilir Allkja

Dje kam vizituar një italian 84-vjeçar, i cili jetonte në Durrës.

Ishte thjesht një vizitë rutinë.

Ndërsa po shprehja (padashje) habinë për shëndetin e tij brilant, ai më m'u përgjigj:

- kam abandonuar që në rininë time ëmbëlsirat!

Ne shqiptarët e kemi traditë që një vakt apo një festë ta mbyllim me ëmbëlsirë, herë pa e ditur e herë pa u merakosur se ky zakon mund të na shkatërrojë plotësisht metabolizmin, hormonet dhe shëndetin tonë?

Shumica e njerëzve shqetësohen për ëmbëlsirat vetëm nga halli i shtimit në peshë, por duhet të mbani në mendje se:

Ëmbëlsirat rritin sheqerin në gjak, i cili më pas provokon çlirimin e insulinës dhe e detyron trupin tuaj të "punojë jashtë orarit" për të ulur nivelet e larta të sheqerit.

Sheqeri vjen jo vetëm nga ëmbëlsirat, por të gjitha karbohidratet e rafinuara, duke përfshirë bukën e bardhë, makaronat, pizzat, byrekët, orizin etj!

Edhe ngrënia e tepërt e patateve dhe frutave të ëmbla rrit gjithmonë sheqerin në gjak.

Por kush janë dëmet madhore që vijnë nga konsumi ëmbëlsirave?

Sheqeri ndikon në fertilitetin tuaj, ai shkakton çrregullime periodash tek femrat, mund t'i bëjë ato të dhimbshme, të bollshme etj.

Ka një lidhje të drejtë midis çrregullimit të insulinës dhe problemeve të tilla si sindroma e vezoreve policistike, ku shkak është çrregullimi i hormoneve të riprodhimit.

Sheqeri është shumë i dëmshëm sepse dëmton murin e brendshëm të enëve të gjakut duke ndikuar direkt në rritjen e incidencës për infakt në zemër dhe goditje në tru.

Sheqeri dëmton sistemin tuaj imunitar si dhe shëndetin e zorrës tuaj, veçanërisht florën e mirë të tyre, madje stimulon rritjen e mykut në to.

Sheqeri ushqen qelizat kanceroze, dhe ul perfuzionin e oksigjenit në inde, duke rritur incidencën për sëmundje tumorale.

Prania e kolonive të qëndrueshme të florës së dobishme (lactobacileve) të zorrëve garanton nivele optimale të hormoneve tuaja - veçanërisht nivelin e insulinës dhe estrogjenit.

Rritja e mikro-organizmave të këqija të zorrëve (të tilla si mykrat dhe bakteret) ka gjithmonë nevojë për sheqerna dhe janë pikërisht mykrat e bakteret që nxisin dëshirat për ëmbëlsira.

Ja përse sheqeri është më shumë sesa problem i "humbjes së peshës".

Sheqeri ju mban në një rreth vicioz duke ju "bërë skllav" të dëshirës për të, duke ndikuar të vuani në shumë mënyra, që nga zorrët, infeksionet, hormonet, mbipesha, hipertensioni, diabeti, veshkat dhe madje edhe truri.

Abandonojeni, sepse do të fitoni Ju!