E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Ushqimet e shëndetshme që treten lehtë dhe mbajnë trupin në formë

21 Mars 2024, 13:36, Shëndeti CNA

Ushqimet e shëndetshme që treten lehtë dhe mbajnë trupin

Foto ilustruese

Mund të tingëllojë e çuditshme, por shijimi i një ushqimi është tërësisht në ‘duart’ e stomakut.

Mënyra se si stomaku përballet me një ushqim të caktuar ndikon shumë në preferencën ushqimore në të ardhmen. Sistemi tretës është tejet delikat e duhet trajtuar mirë. Në këtë artikull të AgroWeb.org do të mësoni për listën e ushqimeve që janë të buta e miqësore me sistemin tretës.

Kosi i bërë me qumësht arrorësh

Shumë njerëz janë të ndjeshëm ndaj produkteve të bulmetit. Në vend të tyre mund të konsumoni kos të bërë nga qumështi i bajames, arrës së kokosit apo shqemes. Kosi me fruta mund të ketë më shumë fibër që për njerëzit me stomak të brishtë, është disi problematike.

Bananja

Bananja përmban kalium, një mineral që del me forcë nga organizmi në rastet e diarresë apo të vjellave. Bananet e sapopjekura janë shumë të mira për stomakun. Ato që kanë njolla në lëkurë kanë më shumë sheqer dhe deri në 3 gramë fibër.

Pureja e mollës

Pureja e mollës, të cilën mund ta bëni vetë në shtëpi është një ushqim i butë dhe delikat. Kjo pure mund të përgatitet duke zier mollë pa lëkurë për rreth 20 minuta dhe më pas shtypjen e tulit me pirun.

Patatet

Patatet e ziera pa lëkurë janë një ushqim i mirë për bakteret e stomakut. Ato kanë karbohidrate të thjeshta dhe treten lehtë.

Supa me perime

Kjo supë e ngrohtë furnizon organizmin me elektrolitet e humbura si pasojë e diarresë apo të vjellave. Lëngu i mishit apo kockave është shumë i mirë për rastet e urthit, të përzierat, ulçerën dhe të vjellat.

Frutat dhe perimet me pak fibër

Shalqini, pjepri, nektarinat, pjeshkët, kumbullat, kungujt, kastraveci pa fara ose lëkurë, avokadoja, spinaqi, karrotat, panxhari, kungulli, shpargu dhe patëllxhani janë disa prej ushqimeve që janë të mira për stomakun.

Ushqimet e fermentuara

Turshitë janë të pasura me probiotikë dhe ndihmojnë tretjen. Prishja e ekuilibrave mes baktereve të mira dhe të këqija mund të shkaktojë probleme dhe probiotikët rikthejnë këto ekuilibra. Njerëzit që kanë probleme me stomakun duhet të shmangin ushqimet me shumë fibër, yndyrë dhe sheqer./AgroWeb.org