E fundit!

13:13 Politikë

Ekskluzive/ Rama, ndryshime në qeveri

Kryeministri Edi Rama pritet të bëjë disa ndryshime në qev...

Si ndikojnë duhani dhe alkooli te shëndeti i kockave

8 Maj 2024, 08:38, Shëndeti CNA

Pohimi që duhani dhe alkooli janë dy kombinime të dëmshme për trupin e njeriut është i njohur tashmë. Megjithatë konsumi i tyre është shumë i përhapur në të gjithë globin dhe fillon që në mosha të hershme.

Duke e bërë këtë një problem të theksuar të shoqërive sot, i cili mund të shkaktojë dëme të pariparueshme në organizëm. AgroWeb.org në këtë shkrim ju tregon se ka një lidhje mes shfaqjes së osteoporozës dhe konsumimit të këtyre dy substancave.

Studime të fundit krahas qindra të tjerave që janë bërë mbi këtë çështje tregojnë se pirja e vazhdueshme e duhanit dhe alkoolit shton rrezikun e shfaqjes së osteoporozës.

AgroWeb.org i referohet një studimi që shpjegon se te këta konsumatorë ndodh një lloj modifikimi i qelizave të cilat çojnë në dobësim të kockave.

Studimi mbi dëmtimin e kockave

Sudiuesit e Universitetit të Pensilvanisë të cilëve u referohet AgroWeb.org, shpjegojnë se si sistemi imunitar arrin të dëmtojë kockat. Kjo ndodh sigurisht kur konsumohet duhan apo alkool si pjesë e jetës së përditshme.

Sipas këtyre ekspertëve, një tip qelizash që jetojnë në organizëm arrijnë të kthehen në osteoklate, të cilat shkrijnë kockat. Kur mitokondria është nën presion nga shkaqe të jashtme apo faktorë stresues shton prodhimin e osteoklasteve.

Mbiprodhimi i këtyre qelizave që dëmtojnë kockat shtohet edhe për personat që konsumojnë cigaren apo alkoolin.

Faktorë të tjerë që lidhen me lindjen e kësaj sëmundjeje mund të jenë medikamentet e forta apo të qenit nën stres të vazhdueshëm.

Ndikimi i osteoporozës në kocka

Osteoporoza është një sëmundje që i bën kockat më të dobëta dhe më vurnerabël ndaj dëmtimeve dhe dhimbjeve. Kjo sëmundje rrit ndjeshëm rrezikun e frakturave në trup dhe shfaqet zakonisht me kalimin e moshës. Kur balanca mes rigjenerimit të kockave pas dëmtimit të tyre nuk është e njëjtë atëherë dhimbjet shtohen.

Sipas Fondacionit Internacional të Osteoporozës në SHBA, 1 në 3 gra dhe 1 në 5 burra mbi moshën 50 vjeç vuajnë nga osteoporoza.

Numërohen rreth 75 milionë persona në Amerikë, Evropë dhe Azi të cilët vuajnë nga probleme të osteoporozës. Ndërsa 8.9 milionë nga këta vuajnë nga fraktura që shkaktohen nga kjo sëmundje.

Shkaqet kryesore, përveç moshës, të shfaqjes së osteoporozës janë pikërisht abuzimet me stilin e jetesës gjatë përditshmërisë. Reduktimi sa më i shpejtë i pirjes së duhanit apo alkoolit ul ndjeshëm rrezikun që u kanoset kockave tuaja./AgroWeb.org