Problemet me skalpin/ Si të kuptoni nëse vuani nga ekzema apo zbokthi?

20 Maj 2024, 09:49, Shëndeti CNA

Problemet me skalpin/ Si të kuptoni nëse vuani nga ekzema apo zbokthi?

Foto ilustruese

Ekzema është një nga sëmundjet më të përhapura të lëkurës, e cila prek 1 në 10 persona përgjatë jetës. E quajtur ndryshe dermatiti atopik, kjo sëmundje irriton lëkurën, shkakton tharje, skuqje dhe kruajtje të vazhdueshme.

Duke qenë se prek çdo pjesë të trupit, edhe skalpi i kokës nuk mbetet jashtë nga simptomat e kësaj sëmundjeje. Problemi me ekzemën në skalp është se shpesh nuk trajtohet për shkak se mund ta ngatërroni me zbokthin e thjeshtë.

Si ta dalloni?

Kjo sëmundje përhapet në zonën e sipërme të kokës suaj, edhe pse kjo nuk ndodh shumë shpesh. Dermatiti atopik shkakton skuqje dhe kruarje të kokës si pasojë e një miski mes gjenetikës dhe faktorëve të jashtëm mjedisorë.

Kjo e bën lëkurën e kokës suaj shumë të ndjeshme dhe më të prirur për të marrë infeksione. Disa nga simptomat më të shpeshta që shkakton kjo sëmundje janë nevoja për të kruar kokën vazhdimisht, skuqja e pjesës së irrituar, rënia e lëkurës në copa të mëdha.

Ndonjëherë kjo lloj ekzeme mund të shkaktojë edhe rënie flokësh për një periudhë kohore. Zbokthi nga ana tjetër është një simptomë inflamatore që zakonisht përhapet në zonën e poshtme të kokës apo në pjesën e pasme të saj. Arsyet për shfaqjen e zbokthit në kokë janë kryesisht të jashtme dhe nuk krijojnë simptoma aq shqetësuese sa ekzema.

Çfarë e shkakton ekzemën e kokës?

Siç e përmendëm edhe më sipër dermatitis i skalpit mund të shkaktohet si nga faktorët gjenetikë, ashtu dhe ata të jashtëm. Nëse njëri nga prindërit tuaj vuan nga ekzema ka shumë mundësi që edhe ju ta zhvilloni e ta përhapni në trupin tuaj.

Gjithashtu personat të cilët vuajnë nga alergjitë edhe astma kanë shumë mundësi të zhvillojnë edhe këtë lloj dermatitis pasi sipas mjekëve këto sëmundje janë të lidhura bashkë. Nëse kjo sëmundje është e shpeshtë dhe prek pjesë të mëdha të trupit tuaj, me siguri që mund ta zhvilloni edhe në pjesën e skalpit të kokës.

Si mund ta trajtoni?

Si fillim bëni kujdes që të evidentoni me kujdes se nga cila sëmundje lëkure vuani.

Këtë mund ta bëjë një mjek dermatolog ose më anë të analizave të veçanta. Më pas merrni një trajtim të posaçëm për të larguar irritimin nga skalpi juaj.

Trajtimet kundër ekzemës zakonisht përfshijnë acid salicilik dhe steroide tropikale.

Ato mund t’i merrni në formën e shampove apo kremërave të ndryshëm./AgroWeb.org