web counter
LEXO PA REKLAMA!

SHKARKO APP

App Store
Google Play

Të huajt “zbarkojnë” në Korçë/ “Qytet i vogël, por me arkitekturë të bukur”

13 Tetor 2024, 13:45, Qyteti im CNA

Gjatë këtij viti, shumë turistë të huaj kanë zgjedhur të vizitojnë Shqipërinë përmes guidave turistike të ndryshme. Edhe qyteti i Korçës mbetet një nga destinacionet e preferuara që të huajt duan ta shohin nga afër, për të parë atraksionet turistike që ai ofron. Pas përfundimit të një sezoni të suksesshëm veror, me aktivitete të shumta kulturore, në muajin tetor vihet re një rritje e numrit të turistëve të huaj që mbërrijnë në Korçë për të qëndruar 1 apo 2 net, e më pas për të vazhduar udhëtimin e tyre drejt qyteteve të tjera të Shqipërisë.

E diela sjell gjithmonë turistë në qendër të qytetit, të cilët vizitojnë kryesisht Katedralen, e më pas zonën e pedonales e pazarit të vjetër të Korçës për të provuar edhe gatimet tradicionale.

Të huajt “zbarkojnë” në Korçë/

Dy grupe me turistë të huaj, nga shtete të ndryshme të Europës, kanë vizituar sot Korçën pas Durrësit, Sarandës e Butrintit, ndërsa kanë ndarë me CNA TV edhe përshtypjet e tyre lidhur me qytetin.

Për dy turistë italianë, Korça ka lënë mbresa me bukuritë natyrore dhe arkitekturën e saj, në këtë herë të parë që ata e vizitojnë.

“Po, është hera ime e parë në Korçë, shumë qytet i bukur. Kam parë Katedralen e monumentin e “Ushtarit të panjohur”. Në Shqipëri do të qëndrojmë për 10 ditë. I kam provuar gatimet tradicionale, por nuk e di se si quhen”, tha turisti.

Të huajt “zbarkojnë” në Korçë/

“Po, hera e parë në Korçë. Më pëlqen shumë qyteti. Shumë i bukur. Nuk i kemi parë ende të gjitha, kemi parë vetëm këtë pjesë të qytetit me guidën turistike”, u shpreh italiania.

Të huajt “zbarkojnë” në Korçë/

Për një turiste nga Gjermania, Korça duket qytet i vogël, por shumë i këndshëm, ndërsa thotë se do të qëndrojnë për 9 ditë në Shqipëri.

“Po, hera e parë për mua që jam në Korçë. Vij nga Gjermania. Qyteti është i vogël dhe i këndshëm. Ne në fakt kemi shkuar në Sarandë, Durrës dhe në disa qytete të tjera. Do të qëndrojmë për 9 ditë në Shqipëri”, deklaroi shtetasja gjermane.

Të huajt “zbarkojnë” në Korçë/

Edhe për një turiste austriake, përshtypjet për qytetin juglindor janë ndër më të mirat. Ajo tregon se e nisën udhëtimin nga Durrësi, duke u ndalur në Sarandë, ndërsa këtë të diel do të shëtisin nëpër Korçë.

“Unë vij nga Austria, konkretisht nga Vjena. Është po ashtu një qytet i vogël, por më pëlqen po ashtu edhe Shqipëria sepse është ndryshe. Ka vende shumë të bukura. E nisëm udhëtimin në Durrës, më pas në Sarandë e Butrint, dhe ky i fundit më pëlqeu më shumë. Në Korçë mbërritëm dje dhe jam e sigurt që është një qytet i këndshëm. Tani do të shkoj të shoh Katedralen ortodokse”, deklaroi turistja.

Të huajt “zbarkojnë” në Korçë/

Korça mbetet destinacion i preferuar jo vetëm gjatë sezonit të festave ku bujtinat e hotelet rezervohen plotësisht, por edhe në fundjava ku pjesa më e madhe e vizitorëve të huaj vijnë me guida turistike. Të shumtë janë edhe turistët vendas të cilët zgjedhin të relaksohen qoftë dhe për një ditë në qytetin e bukur të serenatave./ CNA TV





Lajmet e fundit nga