Reportazh/ 70 portrete të Kryeministres italiane, në muret e restorantit "Trattoria Meloni"

3 Tetor 2024, 14:46, Qyteti im CNA

Reportazh/ 70 portrete të Kryeministres italiane, në muret e

Biznesmeni dhe sipërmarrësi Gjergj Luca ka hapur dyert e shtëpisë më të re të shijes shumë pranë Portit të Shëngjinit, “Trattoria Meloni”.

Vetë nga emri mund të kuptoni se përtej një restoranti, mund të shihni një ekspozitë me plotë portrete të Kryeministres së Italisë Giorgia Meloni.

Më herët sipërmarrësi e ka përshkruar si një shtëpi mirënjohje për të gjithë kontributin që ka dhënë kryeministrja Giorgia Meloni për Shqipërinë, duke e quajtur atë gruan që ndryshoi politikën.

Reportazh/ 70 portrete të Kryeministres italiane, në muret e

DW i ka kushtuar një reportazh, të cilin CNA po e pasqyron në artikull ku tregon famën përtej Shqipërisë të këtij restoranti dhe idenë gjeniale të biznesmenit dhe sipërmarrësit Gjergj Luca.

Është ende mesditë në Shëngjin dhe "Trattoria Meloni" është krejtësisht e prenotuar.

Edhe pse ka rreth një muaj që është hapur restoranti i peshkut është ndër më të famshmit në Shqipëri dhe jo vetëm për cilësinë e gatimit, por edhe se aty janë varur 70 pikturat me portretin e Kryeministres italiane Giorgia Meloni.

Por çfarë e lidh restorantin shqiptar me drejtuesen e qeverisë italiane? Pronari Gjergj Luca është një fans i madh i Giorgia Meloni-t.

Reportazh/ 70 portrete të Kryeministres italiane, në muret e

“Kjo grua e vogël me një shpirt të madh sa një mal, kjo lufton për të vërtetën dhe nuk ka turp të thotë të vërtetën.Dhe e vërteta është se sot në Europë familja po i zgjerohet”, tha Luca.

Lajmet rreth restorantit u përhapën shpejt në Itali. Këta turistë nga Venecia kanë ardhur për ta parë nga afër.

“Ky vend është unik për sa i përket arredimit të brendshëm. Është shumë karakteristik dhe mbase i vetmi në llojin e tij”, u shpreh turistja.

70 portretet në "Trattoria Meloni" janë pikturuar nga piktori i mirënjohur Helidon Haliti. Atij iu deshën rreth tre muaj punë për realizimin e të gjithë punës.

A bën pjesë Meloni te politikanet e tij të preferuara?

“Fare, fare nuk e kam të preferuar, as si grua të jem i sinqertë”, tha ndër të tjera piktori.

Por më shumë se portretet vendndodhja e restorantit është ajo që ka ngritur pyetje. "Trattoria Meloni" ndodhet pothuajse ngjitur me portin e Shëngjinit dhe jo larg kampit të Gjadrit.Marrëveshja mes Shqipërisë dhe Italisë u shoqërua me skepticizëm që nga çasti i nënshkrimit.

Reportazh/ 70 portrete të Kryeministres italiane, në muret e

Skepticizmi shoqëroi edhe hapjen e restorantit duke lidhur miqësinë e sipërmarrësit Luca me kryeministrin Rama.

Luca i mohon këto pretendime dhe rikujton ndihmën që italianët u dhanë shqiptarëve gjatë eksodit të viteve '90.

“Jam dëshmitar i eksodit të dytë dhe këtu ka qenë plot me anije. Sot janë disa anije se tjerat janë në det kur kemi shpëtuar me mijëra jetë fëmijësh dhe pleqsh dhe i kemi nisur drejt Italisë.

Ai vend për herë të dytë na hapi dyert, na hapi shpirtin dhe nuk është problemi që ne ikëm nga një burg atje dhe ata njerëz ne na pritën, na akomoduan, na mbushën barkun, por ata njerëz morën përsipër të na integronin”, ka treguar biznesmeni dhe sipërmarrësi Gjergj Luca.

Në javët e ardhshme pritet që Italia të sjellë në Shqipëri emigrantët e parë. Në qendrat e ngritura në Shëngjin dhe Gjadër do të përpunohen procedurat për rreth 36 mijë emigrantë në vit./ CNA

Marrë nga DW