web counter
LEXO PA REKLAMA!

SHKARKO APP

App Store
Google Play

“Travel and Tour World”: Zbuloni bukurinë e fshatrave të Korçës

19 Shtator 2024, 20:10, Qyteti im CNA

“Travel and Tour World”: Zbuloni bukurinë e fshatrave të

Bukuria natyrore e Shqipërisë vijon të tërheqë vëmendjen e mediave të huaja, si një nga vendet që ofron shumë për turistët.

Sipas një artikulli të botuar nga “Travel and Tour World”, Korça, Voskopja dhe Boboshtica renditen si fshatrat që pëlqehen dhe vizitohen nga shumë turistë të huaj gjatë gjithë muajit shtator.

Vizitorët, kryesisht nga Evropa Perëndimore, tërhiqen nga trashëgimia e pasur kulturore dhe vendet arkeologjike të vendit mesdhetar.

Një grup turistësh spanjollë shprehën admirimin e tyre për mikpritjen e ngrohtë dhe natyrën e pacënuar që hasën në zonë.

“Kjo është hera ime e parë në Shqipëri. Është me të vërtetë një vend i bukur dhe i pastër, dhe unë jam i mahnitur nga dashuria dhe paqja që na ofron ky vend”, tha një turist.

Guida, e cila shoqëronte turistët, theksoi se vizitorët e huaj janë shumë të tërhequr nga historia e pasur e Shqipërisë.

“Kam dëgjuar kaq shumë për Shqipërinë, por ta shohësh nga afër është mbresëlënëse. Njerëzit janë jashtëzakonisht të sjellshëm dhe gjithmonë të buzëqeshur”, shtoi një turist tjetër.

Operatorët e turizmit në Shqipërinë juglindore kanë bërë të ditur se muaji tetor është tashmë i rezervuar me turistë të huaj, duke shënuar një rritje të dukshme të interesit krahasuar me vitin e kaluar.

Nga Riviera Shqiptare, Alpet veriore madhështore dhe deri te kështjellat historike dhe monumentet kulturore, Shqipëria ofron një shumëllojshmëri destinacionesh për vizitorët që duan të eksplorojnë.

Duke u bazuar në të dhënat e fundit, Shqipëria ka mirëpritur 8,5 vizitorësh deri në fund të muajit gusht./CNA

 





Lajmet e fundit nga