web counter
LEXO PA REKLAMA!

SHKARKO APP

App Store
Google Play

E fundit!

x

E gjithë Shqipëria në Korçë

2 Janar 2025, 12:46, Qyteti im CNA
E gjithë Shqipëria në Korçë
Korça

Festat e fundvitit kanë mbushur plot Korçën duke e kthyer qytetin juglindor në kryeqendrën e festave të fundvitit.

Një numër i madh turistësh që në ditët e Krishtlindjeve më pas për Vitin e Ri 2025 dhe sot që pritej kthimi i shumë qytetarëve të cilët kishin zgjedhur Korçën për të pushuar, ku vihen re dhe rezervimet nga të huajt, duket se e gjithë Shqipëria po zbarkon në Korçë.

Një trafik i rënduar po shfaqet sërish, por jo në rrugën e  kthimit Korçë-Elbasan-Tiranë, por në aksin Tiranë-Elbasan-Korçë.

Pra, një fluks tjetër turistësh pritet që ta mbajë Korçën plot e përplot edhe gjatë kësaj fundjave duke e kthyer në qytetin kampion të festave të fundvitit.

Mesa duket shpallja e datës 3 janar ditë pushimi nga qeveria, ka zgjatur ditët e qëndrimit të atyre që kanë mundur të kenë një rezervim, por dhe për shumë turistë të tjerë të cilët po udhëtojnë drejt Korçës për të kaluar fundjavën.

Korça tashmë është e sigurt që jo vetëm i ka të gjitha kapacitetet e plotësuara, por përtej tyre dhe hotelet në periferi janë plot e përplot duke e bërë Korçën kampion të turizmit në festat e fundvitit në një atmosferë vërtetë fantastike.

Një qytet ku kultura e shërbimit, ushqimi tradicional, serenatat e bukura korçare janë një zgjidhje gjithmonë e duhur për këdo që kërkon të ketë një fundjavë të bukur dhe të relaksuar dhe tashmë pas kalimit të Krishtlindjeve dhe Vitit të Ri fundjava e parë e këtij viti shënon edhe startin më të fortë të turizmit ndoshta në të gjithë kohërat për qytetin juglindor./ CNA





Lajmet e fundit nga