web counter
LEXO PA REKLAMA!

SHKARKO APP

App Store
Google Play

E fundit!

x

Zhulali: Gjetjet e raportit të KE-së treguan problemet e shtetit në Shqipëri

8 Korrik 2025, 20:54, Politikë CNA

Zhulali: Gjetjet e raportit të KE-së treguan problemet e shtetit

Ekspertja e çështjeve ligjore, Ilda Zhulali komentoi sot lidhur me raportin e publikuar për Shqipërinë nga Komisioni Europian.

Në një intervistë në ‘Syri Tv’, Zhulali theksoi se gjetjet e raportit tregojnë se në Shqipëri shteti është i kapur.

Zhulali u ndal te vendimet dhe emërimet e Gjykatës Kushtetuese.

“Ajo çfarë na thonë këto fakte dhe gjetje të Komisionit Europian, është që ne kemi një shtet të kapur plotësisht. Jo vetëm që kemi një Parlament Europian, jo vetëm që nuk patëm zgjedhje të lira dhe të ndershme, por duke nisur edhe me institucionet që ruajnë atë kontrollin dhe balancën, siç është Gjykata Kushtetuese, ka dy probleme shumë të rënda. E para, që vendimet e Gjykatës Kushtetuese nuk zbatohen nga mazhoranca socialiste në parlament me qëllim. E dyta, që ka një presion të shtuar mbi Gjykatën Kushtetuese dhe kanë përdorur një term shumë specifik që është shumë i rëndë, dhe ka pasiguri ligjore në emërimet e Gjykatës Kushtetuese. Kjo, sipas një shtjellimi shumë të rëndësishëm që i ka bërë më herët Komisioni i Venecias, cënon drejtpërdrejt vendimet e Gjykatës Kushtetuese dhe më pas vëmë në pikëpyetje edhe vendimet që merren aty, cilësinë e tyre, dhe ka një sërë pasojash që një shtet serioz do të duhej t’i merrte shumë seriozisht. Ajo që ishte interesante në këtë rast ishte që gjërat që në Shqipëri kanë kaluar pa vëmendjen e duhur, që bënte një ndarje mes ripërtëritjes së emërimeve në Gjykatës Kushtetuese, ku e merr veçmas emërimin ose riemërimin e kryetarit të Gjykatës Kushtetuese.” – tha Zhulali./CNA





Lajmet e fundit nga