web counter
LEXO PA REKLAMA!

SHKARKO APP

App Store
Google Play

Bido: Institucionet duhet të vepronin më parë për lirimin e hapësirave publike

7 Korrik 2025, 22:19, Politikë CNA

Bido: Institucionet duhet të vepronin më parë për lirimin e

Deputeti i zgjedhur i PS-së në qarkun e Vlorës, Ardit Bido deklaroi sot se bizneset janë të parët që përfitojnë nga zaptimi i hapësirave publike, por sipas tij kjo nuk është për tu përdorur si justifikim prej tyre.

I ftuar në emisionin ‘Now’ me gazetaren Erla Mëhilli, Dredha u shpreh se institucionet duhet të vepronin më parë ndaj kësaj problematike.

“Nuk duhet të harrojmë se në fund të ditës, si qeverisja vendore, ashtu edhe ajo qendrore, janë në shërbim të qytetarëve. Sapo vijmë nga fushata, kemi dëgjuar ankesat e qytetarëve nga fillimi deri në fund. Dhe janë të drejta. Ajo që po ndodh është vetëm pak, do të bëjmë shumë më shumë. Nuk ecje dot, as në Vlorë, as në Sarandë, as në qytete të tjera. Po zgjerohej një zaptim i hapësirave publike nga bizneset, të cilët përpiqen të përfitojnë, por kjo nuk justifikon situatën. Ky është një problem i akumuluar ndër vite, dhe vjen një moment që duhet të marrë fund. A do të ishte më mirë që institucionet të kishin vepruar më parë? Po, jam dakord. Por në momentin që kjo na ka ndodhur, dhe qytetarët e kanë të nevojshme ndërhyrjen tani, çfarë të bëjmë? Ta lëmë të ndodhë përsëri? “Edhe një ambient që e kemi pasur me qira për vite të tëra, e trajtojmë si pronë personale. Kjo duhet të marrë fund”,-tha Bido./CNA





Lajmet e fundit nga