web counter
LEXO PA REKLAMA!

SHKARKO APP

App Store
Google Play

Kalaja: Rinumërimi për qarkun Durrës tregoi se kishte tjetërsim vote

7 Korrik 2025, 16:20, Politikë CNA

Kalaja: Rinumërimi për qarkun Durrës tregoi se kishte

Kandidati i PD-së në Qarkun e Durrësit, Aulon Kalaja deklaroi në pjesëmarrjen e sotme para KAS-it se do të ndjekë rrugën ligjore edhe në Gjykatën Kushtetuese, pas rezultateve nga rinumërimi i votave.

Kalaja u shpreh se ka video të tjetërsimit të votës në këtë qark.

“Ju i mbyllët kutitë. Unë do ndjek edhe rrugën në Gjykatën Kushtetuese. Ju morët vendim për t’i mbyllur kutitë, duhet të zbatoni ligjin, për atë jeni aty. Rinumërimi tregoi edhe nëpërmjet videove se pati tjetërsim vote. Ka video të tjera të kutive që nuk janë vendosur për t’u hapur. Në mbledhjen e fundit më thatë këtu se po të gjendeshin shkelje, do rihapeshin edhe të tjerat”,-tha Kalaja.

Më herët, Kalaja bëri një kërkesë para ambienteve të KQZ-së, nga ku kërkoi të dinte se sa vota ka nga zgjedhjet e 11 majit.

“Do ndjek të gjitha mjetet ligjore. Kam shkuar në KAS për legjitimitet, në Kolegj Zgjedhor. Jam në një betejë në Gjykatën Kushtetuese. Do hap çështje tjetër tani, do i drejtohem SPAK-ut dhe do jetë po SPAK-u që nk duhet ta shkelë ligjin. Prokuroria do sekuestrojë kutitë e votimit. Jam në një betejë që do ti shkoj deri në fund. Unë akoma nuk e di sa vota kam. E kam të drejtë të di sa vota kam”,-tha Kalaja./CNA

 

 





Lajmet e fundit nga